Ərdoğan Ramil Quliyevi təbrik edib

Almaniyanın paytaxtı Berlində keçirilən atletika üzrə Avropa çempionatında Türkiyə adından çıxış edən azərbaycanlı idmançı Ramil Quliyev 200 metrə qaçışda qitənin ən güclüsü olub.

1news.az-ın verdiyi xəbərə görə, bu qələbə Türkiyə prezidenti Rəcəp Tayyip Ərdoğanın diqqət mərkəzindən qaçmayıb. O, telefonla Ramilə zəng edərək onu təbrik edib.

Qeyd edək ki, Ramil Quliyev 19,76 saniyə nəticəsi ilə Avropa çempionatının və Türkiyənin rekordunu qırıb.

S.Xankişiyeva