Avropa Liqasında hesablar hədiyyə qazandırır
Bakı ilk dəfə qitənin ən mötəbər yarışlarından biri – UEFA Avropa Liqasının final oyununa ev sahibliyi edəcək.
56 klubun iştirak etdiyi nüfuzlu turnirin həlledici görüşündə gərgin mübarizədən qalib ayrılacaq yalnız 2 komanda Bakı Olimpiya Stadionunda (BOS) üz-üzə gələcək.
Futbolda nə qədər uzaqgörənsiniz? Hesablarda təxminlərinizə güvənirsinizsə, o zaman final qarşılaşması ilə əlaqədar yaradılmış www.finalbaku2019.com saytında xüsusi layihə sizlər üçündür.
Yarışda iştirak etmək istəyənlər, saytda “Hesabı tap” bölməsinə daxil olaraq, qeydiyyatdan keçmək və təxminlərini qeyd edə bilər.
Düzgün təxmin edilmiş hesaba görə 3 xal, düzgün təxmin edilmiş nəticəyə görə isə 1 xal hesablanır. Təxminləri oyunun başlamasından 1 saat əvvələ kimi yazmaq olar. Eyni zamanda oyunun başlamasına 1 saat qalmışa qədər təxminlər istənilən qədər dəyişmək olar.
Avropa Liqasının 2018/2019 mövsümü ərzində keçiriləcək oyunların düzgün tapılan nəticələri xal sistemiylə liqa formatında toplanacaq. 1000-dən çox iştirakçının qeydiyyatdan keçdiyi yarışda əsas mükafat fondu 2000 AZN-dir. Ən çox xal toplayan iştirakçıları isə sonda qiymətli hədiyyələr gözləyir.
Bu linkdən – https://finalbaku2019.az/predictor/ qeydiyyatdan keçmək olar.
Xatırladaq ki, 2017-ci il sentyabrın 20-də UEFA İcraiyyə Komitəsi tərəfindən 2019-cu ildə futbol üzrə UEFA Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.
Reklam hüququnda
