Millimiz Millətlər Liqasında ilk qələbəsini qazandı – VİDEO
UEFA Millətlər Liqasında qrup mərhələsinin 3-cü turunun oyunlarına start verilib.
1news.az-ın məlumatına görə, D liqasında 3-cü qrupda yer alan millimiz səfərdə Farer Adaları yığması ilə qarşılaşıb.
Rəqibindən daha üstün futbol nümayiş etdirən komandamız 28-ci dəqiqədə Riçard Almeydanın qolu ilə hesabda önə çıxıb. İlk hissə elə bu hesabla da başa çatıb.
İkinci hissəyə daha fəal başlayan yığmamız 67-ci dəqiqədə Dmitri Nazarovun baxımlı qola ilə üstünlüyünü iki topa çatdırıb.
Kobud oyuna görə, qarşılaşmanın 87-ci dəqiqəsində Farer Adaları yığmasının qapısına təyin olunan on bir metrlik cərimə zərbəsini Riçard Almeyda dəqiq yerinə yetirərək dubl edib. Komandaların cəhdlərinə baxmayaraq, görüşün sonunadək hesab dəyişməyib. Beləliklə, görüş Azərbaycan yığmasının 3:0 hesablı qələbəsi ilə başa çatıb.
Qrupun digər oyununda Kosovo millisi Maltanı qəbul edib. Matç Kosovonun 3:1 hesablı qələbəsi ilə yekunlaşıb.
Qeyd edək ki, Azərbaycan yığması UEFA Millətlər Liqasının D liqasının 3-cü qrupunda Farer Adaları, Malta və Kosovo milliləri ilə mübarizə aparır. UEFA-nın yeni təsis etdiyi turnirin ilk iki oyununda millimiz qələbə qazana bilməyib.
Sentyabrın 7-də Bakıda Kosovo seçməsi ilə heç-heçə (0:0) edən Azərbaycan yığması üç gün sonra Malta səfərindən bir xalla qayıdıb – 1:1.
Üç turdan sonra Qurban Qurbanovun yetirmələri 5 xalla qrupda ikinci pilləyə yüksəliblər. Kosovo 7 xalla birinci, Farer Adaları 3 xalla üçüncü, Malta isə 1 xalla sonuncu pillədə qərarlaşıb.
Onu da bildirək ki, komandamız növbəti turda Malta ilə qarşılaşacaq. Oktyabrın 14-də Bakı Olimpiya Stadionunda keçiriləcək oyun saat 20:00-da başlayacaq.
UEFA Millətlər Liqası
D liqası, 3-cü qrup, II tur
11 oktyabr
22:45. Farer adaları – Azərbaycan - 0:3
Qollar: Riçard Almeyda 28, Dmitri Nazarov, 68, Riçard Almeyda, 86-pen
AHakimlər: Aleksey Yeskov, Dmitri Mosyakin, Anton Averianov, Valeri Dançenko (Rusiya)
Torşavn, “Torsvullur” stadionu
22:45. Kosovo - Malta - 3:1
Qollar: Kololi, 30 (1:0), Aqius, 51 (1:1), Muriqi, 68 (2:1), Kololi, 81 (3:1)
Turnir cədvəli:
|
1. |
Kosovo |
3 |
2 |
1 |
0 |
5:1 |
7 |
|
2. |
Azərbaycan |
3 |
1 |
2 |
0 |
4:1 |
5 |
|
3. |
Farer adaları |
3 |
1 |
0 |
2 |
3:6 |
3 |
|
4. |
Malta |
3 |
0 |
1 |
2 |
3:7 |
1 |
1news.az
