Qabriel Sançez Perez: Özümü Azərbaycanda qonaq yox, azərbaycanlı sayıram

Mən vaxtilə Azərbaycanda, hazırkı Neft Akademiyasında təhsil almışam. Peruya qayıdandan sonra başa düşdüm ki, Azərbaycanda necə yaxşı təhsil almışam.

1news.az xəbər verir ki, bunu 6-cı Bakı Beynəlxalq Humanitar Forumunun içtirakçısı Peru hökumətinin Baş Nəzarət İdarəsinin rəisi Qabriel Sançez Perez deyib. O Bakıya17 il sonra qayıtdığlnı deyib:

“Çox yaxşı təəssüratlarım var. Özümü Azərbaycanda qonaq yox, azərbaycanlı sayıram. Həyat yoldaşım da azərbaycanlıdır. Bu havanı unutmaq olmaz. Külək səni itələyən kimi bilirsən ki, Bakıdasan. İndi Bakı çox inkişaf edib. Amma yaxşı olan budur ki, Şərq siması qalıb. Bu foruma dəvət aldığım, maraqlı müzakirələrdə iştirak etdiyim üçün çox şadam”.

P.Sultanova