Qadın idmançının vannadan cəsədi tapıldı - FOTO

Bodibildinq ikonası hesab edilən qadının evindən cansız bədəni tapılıb.

1news.az-ın Milli.az-a istinadən verdiyi xəbərə görə, tanınmış bodibilder Mendi Blenk (Mandy Blank) 42 yaşında dünyasını dəyişib.

Bodibilder üzrə çempion, məşhurların treyneri olan Mendinin cəsədi Los Ancelesdəki evindən, vannadan tapılıb.

Hadisə yerinə gələn polis əməkdaşları nə alkoqol, nə də narkotik maddə tapıblar.

Mendinin ölüm səbəbi bilinmir. Autopsiyadan sonra onun nədən öldüyü məlum olacaq.

Qeyd edək ki, o, 1999-cu ildə IFBB (International Federation of Bodybuilding and Fitness) çempionu olub. "World Arnold Classic" müsabiqəsində isə 5-ci yer tutub.

1news.az