Paşinyan Astanaya gedir
Ermənistanın baş naziri vəzifəsini icra edən Nikol Paşinyan noyabrın 8-də Qazaxıstana işgüzar səfər edəcək.
1news.az erməni mətbuatına istinadla xəbər verir ki, Paşinyan KTMT-nin Astanada keçiriləcək Kollektiv Təhlükəsizlik Şurasının sessiyasında iştirak edəcək.
Xatırladaq ki, sessiyada KTMT-nin yeni baş katibinin namizədliyi müzakirə olunacaq.
Daha əvvəl "Kommersant" qəzeti yazıb ki, Belarusun Təhlükəsizlik Şurasının dövlət katibi, Bakıda hərbi təhsil almış Stanislav Zasiyanın baş katib təyin edilməsinə dair müzakirələr aparılır.
Dünən isə redaktorlarla görüşən Paşinyan bildirib ki, Ermənistanın sabiq müdafiə naziri Vaqarşak Harutyunyan bu vəzifəyə namizəddir.
Ermənistanın nümayəndəsi olan KTMT baş katibi Yuri Xaçaturov bir neçə gün əvvəl vəzifəsindən geri çağırılıb. Ona qarşı 2008-ci ildə ölkənin konstitusiya quruluşunu dəyişmək ittihamı irəli sürülüb.
P.Sultanova
