United Sport MFL 2018/19-un derbisi azarkeş sayına görə rekord qırır – FOTO – VİDEO
Ən böyük həvəskarlar liqası United Sport MFL-də mübarizə getdikcə gərginləşir.
1news.az-ın verdiyi xəbərə görə, liqanın üçüncü turunda mərkəzi matç oldu.
Mövsümün qalibi olmağa namizəd olan iki komanda – "Beerbaşa" ilə "Köfteci Ramiz" üz-üzə gəldilər. Komandalar Infinity Konferensiyasında çıxış edərək iki turda qələbə qazanıblar. Gərgin mübarizə ilə keçən matçda hesab heç-heçə bitdiyi üçün qaliblər müəyyənləşməyib.
“Beerbaşa” pley-off mərhələsinin stabil iştirakçısıdır və üçüncü cəhddən titulu qazanmağa çalışır. “Köfteci Ramiz” isə MFL-in dübutantıdır, lakin komandasının əsasını liqanın birinci çempionatının futbolçuları - GSP Logistics təşkil edir.
Qeyd etmək lazımdır ki, matç azarkeşlər arasında geniş maraq qazanaraq böyük ajiotajla keçib. Eyni zamanda Topaz Premyer Liqasında hər mövsüm azarkeşlərin sayı zəiflədiyi halda, United Sport MFL 2018/19-un iki liderlərinin matçlarına düşmək çətinləşir.
“Beerbaşa” – “ Köfteci Ramiz” – heç-heçəyə və güzəştsiz mübarizəyə baxmayaraq bütün ümidləri doğruldaraq mövsümün ilk derbisi oldu.
“MFL Аrena”da iştirakçılar arasında liqanın direktoru Rəhman Hacıyev də vardı:
“Bu mövsümdə matçlarda azarkeşlərin çoxaldığının şahidi oluruq. MFL futbol həvəskarları, fanatları üçün yaradılıb. Liqanın iştirakçıları matçdan sonra qalaraq digərlərinin oyununu izləyir. Bu, turnirə olan marağı göstərir. Bu, bizi çox sevindirir”.
Matçdan sonra “Köfteci Ramiz” komandasının kapitanı Tamerlan İbrahimov da öz fikirlərini bölüşüb:
“Oyun gözlədiyimizdən də çətin keçdi. “Beerbaşa” çox güclü komandadır. Bu münasibətlə onları təbrik edirəm. Düşünürəm ki, pley-off-da onlarla yarışacağıq. Bu gün bir sıra səhvlər etdik ki, pley-off mərhələsində bu olmayacaq. Açığı, “Beerbaşa”nın bu cür güclü komanda olmasını gözləmirdim”.
İlk derbi heç-heçə bitsə də, mübarizə hələ qarşıdadır. Infinity Konferensiyasının digər 3 turunda da gərgin mübarizəni nəticələrdən görmək olar:
Konferensiyada üç turdan sonra liderliyi üç komada bölüşür:
Bu gün Platinum Konferensiyasının 3-cü turunun matçları keçirilir:
MFL United Sport 2018/19 – Sirena Motors, Leading Supply Solutions LLC, United Sport, McDonald's Azerbaijan, Muganbank, BOS SHELF LLC və Ödəal (Bon) sponsorluğu ilə keçirilir.
Daha ətraflı məlumatı liqanın saytından mfl.az, eləcə də 1news.az-ın saytında və CBC Sport telekanalı vasitəsilə əldə edə bilərsiniz.
MFL-i izləyin:
Tərcümə: S.Xankişiyeva
Video: Emil Nəsirov
