Ukrayna hərbi vəziyyət rejiminə keçir
Ukrayna prezidenti Pyotr Poroşenko Ali Radanın gündəliyinə ölkədə 60 günlük hərbi vəziyyətin elan edilməsi barədə məsələ daxil edib.
1news.az-ın Oxu.Az-a istinadla verdiyi xəbərə görə, o, bu barədə Milli Təhlükəsizlik və Müdafiə Şurasının iclasında bəyan edib.
Poroşenko Ali Baş Komandan kimi deputatlardan ölkədə hərbi vəziyyətin tətbiq edilməsini dəstəkləmələrini xahiş edib.
Ukrayna prezidenti söz verib ki, bu rejim əhalinin dərhal səfərbərliyini bildirmir, və yalnız hərbi mükəlləfiyyətlilərin hazırlığına aiddir.
Ukraynanın Milli Təhlükəsizlik və Müdafiə Şurasının sədri Aleksandr Turçinovun sözlərinə görə, prezident tərəfindən çağırılan hərbi kabinet, “Rusiya Hərbi Dəniz Qüvvələrinin Ukrayna gəmilərinə hücumu “hərbi aqressiya” kimi qiymətləndirib”.
S.Xankişiyeva
