Futbol

United Sport MFL 2018/19-un 7-ci turu: liderlər siyahısına rəhbərlik edən “Moskva TM” və ayın ən yaxşı oyunçusu – FOTO – VİDEO

14:35 - 17 / 12 / 2018

United Sport MFL 2018/19-in 7-ci turu baş tutub.

Həmişəki kimi bu turda da gərgin mübarizə, qollar və maraqlı matçlarla yadda qalıb.

1news.az-ın verdiyi xəbərə görə, 7-ci turda Infinity Konferensiyasında turun mərkəzi matçında iki lider – “Moskva TM” və “Astara FK” maraqlı oyun nümayiş etdirib. Buna qədər hər iki komanda əvvəlki 6 turda qələbə qazanaraq liderlik əldə edib. Budəfəki oyunda xallar lideri təyin etməli idi. “Moskva TM”-ə (3:0) hesabı ilə gərgin mübarizədə qələbə qazandı.

7-ci turun ən yadda qalan məqamları:

Yeddi turdan sonra Infinity Konferensiyasının birmənalı olaraq qalibi “Moskva TM” oldu.

Infinity Konferensiyasında bu komandalar oynayacaq:

7-ci turda Platinum Konferensiyasında da maraqlı nəticələrlə yadda qalıb. “Rulewave Baku” və “Muğanbank” komandaları qələbə qazanıblar. Həmçinin “Sirena Motors” ilə “Universal” komandasının da uğurlu qələbəsini qeyd etmək olar.

7-ci turda Platinum Konferensiyasının ən yadda qalan məqamları:

7-ci turun matçlarından sonra 100 faizlik nəticəni iki komanda – “Rulewave Baku” və “Muğanbank” nümayiş etdirib. Lakin vurulmuş və buraxılmış qolların sayına görə “Rulewave Baku” turnir cədvəlinə rəhbərlik edir.

Platinum Konferensiyasında növbəti dəfə bu komandalar oynayacaq:

Turun (MVP) ən dəyərli oyunçusu “Baku Eagles”dan olan futbolçu Muxtar Həsənov oldu. O, hesabat turunda həlledici rol oyanyıb. Qeyd edək ki, M.Həsənov “CS” komandasına qarşı oyunda (6:1) poker oyunu nümayiş etdirib.

Turun simvolik yığması bu cürdür. Bu dəfə M.Alam (“UNEC2), H.Akif (“Galaxy”), Ə.Ramil (“Muğanbank”), А.Misir (“Kontakt Home”), М.Мykola (“Gənclik İ.K”) və M.Xəqani (“Moskva TM”) daxil ola bilib.

Yeri gəlmişkən, ötən həftə ayın ən yaxşı oyunçusunun seçilməsilə bağlı səsvermə başa çatıb. Noyabr ayında ən yaxşı futbolçu tituluna “Kapital Bank”dan Əsgər Alışanov layiq görülüb.

Dekabrın 22-də “MFL Arena”da MDV-nin ən yaxşı küçə futbolçularının iştirakı ilə əsl şou baş tutacaq.

Bakıya Rusiyanın “Street Madness Team” komandası təşrif buyuracaq. Dekabrın 22-də komanda United Sport MFL 2018/19-un ən yaxşı həvəskar futbolçuları ilə yarışacaq. “Street Madness Team”in tərkibində “Street Kings” komandasının məşhur oyunçuları Jan Pyer Papen və Bizex oynayacaq. Bakıda onlar Nuqraz Kvirtiyanın rəhbərliyi ilə “Urban Kings Azerbaijan” oyunçuları ilə bir komandada oynayacaq.

United Sport MFL 2018/19-un ən yaxşı oyunçuları MFL-in Facebook səhifəsində keçirilən səsvermə yolu ilə təyin ediləcək. Daha 5 oyunçuya sponsorlar və təşkilatçılar tərəfindən “wild card” təqdim ediləcək.

Ümumilikdə tədbir iki hissədən ibarətdir: futbol matçı və “panna” yarışı. Unudulmaz şouya baxmaq istəyən hər bir kəs dekabrın 22-də Bakı Olimpiya Stadionunun “MFL Arena” meydanlarına təşrif buyura bilər. Şou 16:00-da başlayacaq. Giriş pulsuzdur.