Artur Baqdasaryan siyasətdən getdi
“Orinas Yerkir” partiyasının (Dirçələn Ermənistan) sədri Artur Baqdasaryan böyük siyasətdən getdiyini və partiya rəhbərliyindən istefa verdiyini bəyan edib.
1news.az erməni mətbuatına istinadla xəbər verir ki, partiyanın növbədənkənar qurultayında Baqdasaryan son seçkilərdə onlara səs vermiş 12 mindən artıq vətəndaşa, o cümlədən 20 illik fəaliyyəti dövründə partiyanı dəstəkləyənlərə, tərəfdarlarına təşəkkür edib.
"İctimai fəaliyyətlə məşğul olmadan, mən ölkədə yığılmış problemləri həll etmək üçün öz təkliflərimi irəli sürəcəm. Əgər xalq istəyərsə və buna ehtiyac duyaramsa, aktiv siyasətə qayıdacağam”, Baqdasaryan əlavə edib.
Öz növbəsində, "Aykakan Jamanak” qəzeti partiyanın yeni rəhbər şəxslərini açıqlayıb. Baqdasaryanın varisi yekdilliklə Hovannes Hovannisyan seçilib. Onun müavinləri isə Karin Sarkisyan, Vaqe Torosyan və Simon Hakobyan (Mqera Şahgeldyan və Eqin Bişaryan əvəzinə) onun müavini oldu.
Qeyd edək ki, Hovanissyan Fransa Kolleci Fondunun direktorudur, Torosyan partiyanın mətbuat katibi, Simon Hakobyan partiyanın gənclər qanadının rəhbəridir, Karin Sarkisyan isə partiyanın keçmiş sədr müavini Eqin Bişaryanın qızıdır.
P.Sultanova
