Ermənistanda unun qiyməti artıb

Ermənistanda unun qiyməti qalxıb.

1news.az erməni mətbuatına istinadla xəbər verir ki, son günlərdə aparılan monitorinq nəticəsində qiymət artımı qeydə alınıb.

Ermənistanın iqtisadi rəqabətin müdafiəsi üzrə Dövlət Komissiyasının açıqlamasında vurğulanıb ki, ötən ayla müqayisədə yüksək keyfiyyətli unun topdansatış qiyməti 1 kq üçün 217 dramdan 226-227 drama yüksəlib.

Ümumilikdə, şirkətlərdə qiymət artımı 50 kq-lıq un üçün 450 dram olub. Un və buğda bazarlarının sosial əhəmiyyətini nəzərə alaraq, Ermənistanın antiinhisar orqanı qiymətlərin dəyişməsinin səbəbini öyrənmək üçün araşdırmalara başlayıb.

P.Sultanova