Ukrayna prezidentinin mühafizəçisi bir yumruqla öldürülüb – VİDEO
Ukrayna paytaxtının elit rayonlarının birində ölkə prezidentinin mühafizə xidmətinin əməkdaşı Vasiliy Xmelyuk qətlə yetirilib.
İlkin məlumatlara əsasən, şübhəli şəxs peşəkar boksçu Pyotr Oçeretyanıydır. O, 2009-cu ilə qədər ağır çəkidə döyüşüb.
“RQ” agentliyinin xəbərinə əsasən, boksçu axşam saatlarında itlərini gəzintiyə çıxarıb. Xmelyuk isə dostu və ailəsi olan maşınla binaya yaxınlaşıb. Bu zaman avtomobil az qala boksçunun itini əzəcəkmiş. Bundan əsəbləşən Pyotr Xmelyuka xəbərdarlıq edib. Tərəflərin mübahisəsi isə faciə ilə nəticələnib. Boksçu bir zərbə ilə mühafizəçini yerə sərib. Xmelyuk yerindəcə keçinib.
Təcili yardımın əməkdaşları 27 yaşlı Xmelyuka kömək edə bilməyiblər. O, iki körpəsi və arvadının gözləri qarşısında ölüb.
Boksçu isə polisə təslim olub. Onu 15 il həbs cəzası gözləyir.
S.Xankişiyeva
