İspaniyada danışılmış tennis oyunları işi üzrə erməni cinayətkar dəstə saxlanılıb

İspaniyada peşəkar tennis yarışlarının manipulyasiyası ilə məşğul olan ermənilərdən ibarət cinayətkar qrupun üzvləri saxlanılıb.

1news.az erməni mətbuatına istinadla xəbər verir ki, həbs edilmiş 83 nəfər şübhəlidən 28 nəfəri peşəkar oyunçudur.

İstintaq araşdırmaya 2017-ci ildə başlayıb. Şübhəlilər əvvəlcədən təyin edilmiş nəticələrə zəmanət vermək üçün peşəkar oyunçuları ələ alıblar və öncədən müəyyən olunmuş oyunara pul qoymaq üçün minlərlə vətəndaşın adlarından istifadə ediblər.

Erməni cinayətkar dəstə peşəkar tennisçilərdən banda və digər cinayətkar qruplar arasında bir əlaqə vasitəsi kimi istifadə ediblər. Onlar oyunçuları ələ aldıqdan sonra cinayətkar qrup üzvləri tennisçilərin əvvəlcədən razılığa gəldiklərini yerinə yetirmələrinə əmin olmaq üçün oyunları ziyarət ediblər və qrupun digər üzvlərinə milli və beynəlxalq səviyyədə pul qoymaq işini davam etdirmək tapşırılıb. 

İspaniyada həyata keçirilən əməliyyat çərçivəsində 11 yerdə axtarış aparılıb, 167 min avro nağd pul, pnevmatik tüfəng, 50-dən çox elektron cihaz, kredit kartları, beş lüks avtomobil və işlə bağlı sənədlər ələ keçirilib. Bundan əlavə, 42 bank hesabı dondurulub.

P.Sultanova