Paşinyan və Bolton arasında telefon danışığı olub

Ermənistanın baş naziri Nikol Paşinyanla ABŞ prezidentinin təhlükəsizlik məsələləri üzrə müşaviri Con Bolton arasında telefon danışığı olub.

1news.az erməni mətbuatına istinadıa xəbər verir ki, bu barədə Paşinyan “Facebook” səhifəsində yazıb.

“Biz regional vəziyyət və ikitərəfli məsələlərlə bağlı məsələləri müzakirə etdik. Həm cənab Bolton, həm də mən Ermənistan-Amerika əlaqələrinin hökumətlərimiz üçün əhəmiyyətini vurğuladıq. Əlaqələrimizin daha da inkişaf etdirilməsi ilə bağlı müzakirələrin davam etdirilməsi barədə razılığa gəldik”, - deyə Paşinyan vurğulayıb.

O, Dağlıq Qarabağ münaqişəsinin müzakirə edilmədiyini söyləyib.

P.Sultanova