Sabiq ədliyyə nazirləri Sarkisyanın vəkillər kimandasına rəhbərlik edəcəklər
Ermənistanın keçmiş prezidenti və baş naziri Serj Sarkisyan vəkillərdən ibarət komanda formalaşdırır.
1news.az bu barədə Ermənistanın "Hraparak" nəşrinə istinadla xəbər verir.
Erməni mətbuatı Sarkisyanın 1 mart 2008-ci il hadisələrinə görə şahid kimi beş saat sorgulandığını yazıb. Onun son günlər bir neçə dəfə xüsusi istintaq xidmətində dindirildiyi bildirilir.
Sarkisyanın vəkillər komandası isə sabiq ədliyyə nazirləri David Arutyunyan və Arpine Ovhannisyanın (hər ikisi Sarkisyanın rəhbərlik etdiyi Respublika partiyasını təmsil edir) rəhbərliyi ilə təşkil edilir.
"Bizim məlumatımıza görə, bu günlərdə Sarkisyanın" müdafiəçilər"komandası RP-nin qərargahında toplaşıblar, onunla uzun müzakirələr aparıblar və yığıncaqda digər hüquqşünaslar da iştirak ediblər", - deyə “Hraparak” yazır.
David Arutyunyan özü suala cavab verməyəcəyini, ümumiyyətlə, Sarkisyanla bağlı heç bir şərhinin olmadığını vurğulayıb. O, RP-nın qərargahında tamamilə fərqli bir mövzu ətrafında müzakirələr aparıldığını əlavə edib.
P.Sultanova
