Paşinyandan və Tonayandan ziddiyyətli Suriya bəyanatları
Ermənistan Suriyada hərbi əməliyyatlarda iştirak etmək niyyətində deyil.
1news.az erməni mətbuatına istinadla xəbər verir ki, bunu baş nazir Nikol Paşinyan bildirib.
"Biz Suriyaya humanitar missiyanı göndərdik. Müdafiə nazirinin cavabına gəldikdə, hansı sualın verildiyini və hansı məzmunda belə bir bəyanatın verildiyini öyrənməliyik.
Bizim belə planlarımız yoxdur ", deyə N.Paşinyan deputatların suallarını cavablandırarkən deyib.
Qeyd edək ki, dünən Ermənistanın müdafiə naziri David Tonayan Suriyaya humanitar missiya göndərilməsi üçün yazılı müraciət aldıqlarını bildirib.
“Əlavə olaraq bir məqamı da qeyd edə bilərəm. Əgər belə zərurət yaranarsa, Ermənistan qanun çərçivəsində Suriyada hərbi əməliyyatlarda iştirak edəcək”, Tonayan deyib.
P.S
