Ermənistanda məhkumlar kütləvi aclığa başlayır

Ermənistanda 100-dən çox məhkum aclıq aksiyasına başlayır.

1news.az erməni mətbuatına istinadla xəbər verir ki, bu barədə hökumət binası qarşısında keçirilən etiraz aksiyasında onların yaxınları bildiriblər.

Aksiya iştirakçıları baş nazilrə görüş tələb ediblər.

Məhkum Andranik Xaçatryanın qardaşı deyib: "Əgər hakimiyyət demokratik olduğunu deyirsə, bizimlə  görüşməlidirlər".

Nümayişçilər bildiriblər ki, məhbuslar müsbət cavab gözləyirlər, əks halda aclıq aksiyasına başlayacaqlar: 

"100 nəfərdən çox məhbus aclıq aksiyası keçirmək qərarına gəlib, bu, bütün respublika üçün utanc deməkdir, ona görə də məsələyə ciddi yanaşma lazımdır".

Onlar vaxtından əvvəl azadetmə ilə bağlı prosedurun qohumlarına münasibətdə tətbiq edilmədiyindən şikayətləniblər.

İntizam tədbirlərinə əməl edən və ya pozuntulara yol verməyən məhkumlar bir neçə dəfə şərti azadlığa buraxılmaqla bağlı müraciət ediblər, lakin əsaslı səbəb olmadan onlara imtina cavabı verilir. Bu məsələ bir neçə dəfə qaldırılıb, amma həllini tapmayıb.

Etiraz aksiyasının iştirakçıları bunun rədd edilməsinin səbəblərini bilmək istədiklərini vurğulayıblar.

P.S.