Şarmazanov: Terrorçuların azadlıqda olması utancvericidir

Bizim dövlətimizdə hər şey qarışıb.

1news.az erməni mətbuatına istinadla xəbər verir ki, bu barədə Respublika partiyasının mətbuat katibi Eduard Şarmazanov bildirib.

"Əmək haqqının yüksəldilməsi və iş yerləri yaratmaq vəd edilirdi, amma optimallaşdırma və iş yerlərinin ixtisarı baş verdi.

Sevgi və həmrəylik vəd edirlər, ancaq nifrət yayırlar. Vəd edirlər ki, qisas olmayacaq, amma siyasi həbslər həyata keçirirlər. Bu sıranı uzun müddət davam etdirmək olar.

Qanunun aliliyini vəd edirlər, amma öz ölkəsinin polis məntəqəsini ələ keçirmək üçün terror aktlarında iştirak edənləri amnistiyaya saldılar. Onlar azad şəkildə Ermənistanda siyasi fəaliyyətlə məşğul ola bilirlər. Bu, absurddur.

İndi bəyan edirlər ki, polis məntəqəsini ələ keçirən terror aktının iştirakçıları inqilabçılardır. Bu, yalnız ölən polis əməkdaşlarının xatirəsinə hörmətsizlik deyil, eyni zamanda dövlətin təməlləri və təhlükəsizliyi üçün də bir çağırışdır.

Yürüş və müxtəlif nümayişlər təşkil etmək əvəzinə, Nikol üçün daxili təhlükəsizliyə dair təhdidlər barədə düşünmək pis olmazdı.

Utancvericidir... İkinci prezident Koçaryanı həbs ediblər, polis məntəqəsini silahla ələ keçirənlər isə azadlıqdadır.

Bu barədə düşün, cənablar. Sonra deməyin ki, xəbərdar etmədim ", - deyə Şarmazanov bildirib.

P.S.