Ekrem İmamoğlu İstanbul meri ola bilər
Türkiyədə keçirilən bələdiyyə seçkilərində bülletenlərin sayılmasının yekun nəticəsinə görə İstanbulda Cümhuriyyət Xalq Partiyasının (CHP) namizədi Ekrem İmamoğlu qalib gəlib.
1news.az xəbər verir ki, bu barədə Türkiyənin Mərkəzi Seçki Komissiyasının sədri Sadi Güvən deyib.
Onun sözlərinə görə, Ekrəm İmamoğlu seçkilərdə 4 milyon 159 min 650, hakim Ədalət və İnkişaf Partiyasından (AKP) olan rəqibi Binəli Yıldırım 4 milyon 131 min 761 səs toplayıb.
Dünən gecə saatlarında TBMM sabiq spikeri, daha əvvəl isə Türkiyə baş naziri vəzifəsində çalışmış Binəli Yıldırım İstanbul Böyükşəhər Bələdiyyə seçkilərində qalib gəldiyini bəyan edib.
Qeyd edək ki, bülletenlərin əksəriyyətinin sayılması nəticəsində müxalifət ölkənin ən böyük şəhərlərində bələdiyyə seçkilərini qazanıb.
Səslərin sayılması davam edir.
P.S.
