Bu gün ölkə kubokunun finalçıları məlum olacaq

Bu gün futbol üzrə Azərbaycan kubokunun yarımfinal mərhələsinin cavab qarşılaşmaları keçiriləcək.

1news.az-ın məlumatına görə, yarımfinal mərhələsinin ilk cavab matçı Tofiq Bəhramov adına Respublika stadionunda baş tutacaq. Mərkəzi arenada “Qarabağ” “Qəbələ”ni qəbul edəcək. “Qırmızı-qaralar” ilk görüşün 73-cü dəqiqəsində Ceyms Adeniyinin vurduğu yeganə qolla qalib gəlib. Lakin cari çempionatda ağdamlılar 4 oyunun hamısında üstün olublar - 4:1, 3:1, 2:1 və 2:1. Komandalar indiyədək üç dəfə dörddəbir finalda, bir dəfə finalda qarşılaşıblar. Bu oyunlarda üçündə “Qarabağ”, birində isə “Qəbələ” qələbə qazanıb.

Mərhələnin digər cavab görüşü isə Zirədə baş tutacaq. “Zirə” öz meydanında “Sumqayıt” klubunu qəbul edəcək. Xatırladaq ki, Sumqayıtda keçirilən ilk oyun qolsuz heç-heçə ilə başa çatıb.

Bu kollektivlər arasına cari çempionatdakı dörd görüşdən üçündə zirəlilər qələbə qazanıblar - 0:1, 3:1, 1:0 və 2:0. Ölkə kuboku hər iki komandanın UEFA Avropa Liqasına vəsiqə qazanması üçün son şansdır.

“Qarabağ” – “Qəbələ” görüşü 17:00-da, “Zirə” – “Sumqayıt” oyunu isə 20:00-da başlayacaq. Hər iki qarşılaşma “CBC Sport” telekanalında canlı yayımlanacaq.

Azərbaycan Kuboku 

Yarımfinal

1 may (çərşənbə)

17:00. “Qarabağ” – “Qəbələ”

Hakimlər: İnqilab Məmmədov, Rahil Ramazanov, Pərvin Talıbov, Rəşad Əhmədov.

Hakim-inspektor: Babək Quliyev.

AFFA nümayəndəsi: Ələddin Ələkbərov. 

Tofiq Bəhramov arına Respublika Stadionu 

İlk oyun - 0:1

20:00. “Zirə” – “Sumqayıt”

Hakimlər: Əliyar Ağayev, Zeynal Zeynalov, Akif Əmirəli, Rauf Allahverdiyev.

Hakim-inspektor: Munis Abdullayev.

AFFA nümayəndəsi: Ramiz Mustafayev. 

Zirə İdman Kompleksinin stadionu.

İlk oyun - 0:0.

1news.az