London məhkəməsindən Asanja həbs qərarı

London məhkəməsi WikiLeaks -in təsisçisi Culian Asanjı 50 həftəlik həbs edib.

1news.az RİA Novosti-yə istinadla xəbər verir ki, buna səbəb onun girov müqabilində azadlığa çıxmaqla bağlı şərtləri pozmasıdır.

Qeyd edək ki, Britaniya polisi Assanjı bu ilin aprelində 2012-ci ildən bəri sığınacaq tapdığı Ekvadorun Londondakı səfirliyində həbs edib.

Assanj 2010-cu ildə İsveçdə iki qadına qarşı cinsi zorakılıqda ittiham olunur. Həmin ildə İsveç hökuməti onu beynəlxalq axtarışa verib, İsveç bir müddət sonra onun barəsində aparılan təhqiqat prosesini dayandırıb. O,  Londonda saxlanılıb, lakin daha sonra girov müqabilində azad edilib.

Asanj ABŞ hökumətinə məxsus məxfi sənədləri ictimailəşdirdiyinə görə Britaniyanın onu ABŞ-a ekstradisiya edəcəyindən ehtiyat etdiyinə görə səfirlikdə qalmağa davam edib.

2018-ci ildə “WikiLeaks”in banisinə Ekvador vətəndaşlığı verilib. Son 7 ili jurnalist səfirliyin ərazisindən çıxmadan yaşayıb.

Polis Ekvador hökuməti Asanjın sığınacaq statusunu ləğv etdikdən sonra Ekvador səfirinin dəvəti ilə səfirliyə daxil olub.

Onun həbsindən sonra ABŞ Asanja qarşı kompüter hakerlik konspirasiyası ittihamı irəli sürüb. Asanjın ittihamı ABŞ tarixində ən böyük gizli məlumat axını ilə bağlıdır.

Asanj 2010-cu ildə ABŞ qüvvələrinin Əfqanıstan və İraqdakı müharibələrinə dair məxfi sənədləri, Amerika həsxanalarında saxlanılan terrorçuların siyahısı və Dövlər Departamentinin 250 min sənədinin ictimailəşdirilməsində günahlandırılır.

Britaniya ABŞ-dan 12 iyuna qədər onun ekstradisiyası üçün bütün zəruri sənədləri təqdim etməyi xahiş edib. Assanjın ekstradisiyası ilə bağlı dinləmələr sabah davam etdiriləcək. 

P.S.