"Sanki ölkədə bütün problemlər həlli olunub, yalnız Tsarukyanın mandatı qalıb"

"Çiçəklənən Ermənistan" fraksiyasının rəhbəri Qaqik Tsarukyan ona qarşı irəli sürülən iddialara cavab verib.

1news.az erməni mətbuatına istinadla xəbər verir ki, Tsarukyan deputat mandatından imtina etmək üçün heç bir əsas görmədiyini vurğulayıb.

“Niyə hər şeyi hakimiyyətin adına çıxırsınız? Mən bunu hakimiyyətin etdiyini etiraf etmək istəmirəm", fraksiya rəhbəri deyib.

Belə siyasi gündəmi yaratmaqda kimin maraqlı olmasına gəlincə, o bildirib ki, uğursuz insanlar, hansı ki, onlar diqqətdə deyillər, görünmələri üçün isə hər şeyi edirlər.

O, hamının davranışını proqnozlaşdıra biləcəyini vurğulayıb. Tsarukyan bütün bunların siyasi təzyiqlər olduğunu söyləmək istəmədiyini əlavə edib.

Bəzilərinin əlaqələr yaratmaq üçün mandata ehtiyacı olduğu iddiasına da toxunaraq bildirib ki, geniş əlaqələrə və çoxsaylı tanışlıqlara malikdir, ona görə də deputat mandatının bununla heç bir əlaqəsi yoxdur:

"Hər kəsi yalnız bir məsələ - Tsarukyanın mandatı narahat edir. Məgər ölkədəki digər problemlər həllini tapıb, yalnız bu qalır? Tsarukyan deputat olaraq bir dəfə Brüsseldə Avropa Parlamentinə gedib, 80 deputatı Ermənistana dəvət edib, onlardan 25-ni Qarabağa (Azərbaycanın işğal edilmiş ərazisi) aparıb.  Son 30 ildə  Qarabağa bu qeder deputat getməyib”.

Ona qarşı siyasi təqibin həyata keçirildiyini düşünməsi sualına isə fraksiya rəhbəri zarafatla cavab verib- ətraflı videomaterialda.

P.Sultanova