İraqda türkiyəli diplomat öldürülüb - YENİLƏNİB

Türkiyənin İraqın Ərbil şəhərindəki Baş Konsulluğunun əməkdaşlarının terrorçuların hücumuna məruz qalması nəticəsində bir diplomat şəhid olub.

1news.az xəbər verir ki, bu barədə Türkiyənin Xarici İşlər Nazirliyi məlumat yayıb.

Bildirilib ki, terror aktı Baş Konsulluğun binasından kənarda baş verib. Hadisə ilə bağlı İraq tərəfi ilə danışıqlar aparılır.

16:32

İraqın Ərbil şəhərində restoranlardan birinə silahlı hücum edilib.

1news.az xəbər verir ki, hücum zamanı restoranda Türkiyə Baş Konsulluğunun diplomatları olub. Türkiyə konsulunun köməkçisi Hakan Karaçayın qətlə yetirildiyi bildirilir.

Hücum naməlum şəxslər tərəfindən törədilib.

Hadisə ilə bağlı başqa detallar açıqlanmır.

1news.az