Ermənistanda qiymətlər hər ay artır - RƏSMİ

Ermənistanda bu il ərzində istehlak qiymətləri keçən ilin eyni ayına nisbətən hər ay müntəzəm olaraq yüksəlib.

1news.az  erməni mətbuatına istinadla xəbər verir ki, bu barədə ölkənin Milli Statistika Komitəsinin məlumatında deyilir.

Komitənin məlumatına görə, 2019-cu ilin iyul ayında ötən ilin iyul ayı ilə müqayisədə Ermənistanın istehlak bazarında 1,7% inflyasiya qeydə alınıb.

İyun ayında inflyasiya 2,5%, bundan əvvəl 2,8%, aprel ayında 2,2 və s. olub.

Xatırladaq ki, 2018-ci ilin yanvar-dekabr aylarında 2017-ci ilin eyni dövrü ilə müqayisədə Ermənistanda inflyasiya 2,5% təşkil edib.

Beləliklə, 2019-cu ilin iyul ayında ərzaq məhsullarının qiymətində artım 2.8%, keçən ilin eyni dövrü ilə müqayisədə 4.8% olub. Xüsusilə, çörək 5,5%, yumurta 38,9%,  ət 3,1%, kartof 75,4%, quş əti (toyuq, hinduşka və digərləri) 13,6% , tərəvəz qiymətləri 11,7% bahalaşıb.

Alkoqollu içkilərin və tütün məhsullarının qiyməti 4,1% bahalaşıb. Paltar, ayaqqabı və digər trikotaj məhsullarının qiyməti 6,2% artıb.

Səhiyyə sektorunda qiymətlərdə 1,7%, nəqliyyat sektorunda 1,1% artım qeyd edildi. Təhsildə istehlak qiymətləri indeksi 1,4%, restoran və otel sənayesi 1,1%, müxtəlif mal və xidmətlər üzrə 0.3% təşkil edib.

P.S.