Dünya silah ticarətində lider ölkələr - STATİSTİKA

Ölkələrin dünya bazarında silah ticarəti sahəsində tutduğu yerlərlə bağlı statistik məlumatlar açıqlanıb.

1news.az xəbər verir ki, bu barədə cnbc.com ABŞ Dövlət Departamentinin hazırladığı hesabata əsasən xəbər yayıb. Xəbərdə bildirilir ki, dünya ölkələri bir il ərzində hərbi xərclərə təxminən 3 trilyon dollar xərcləyir.

Silah transferləri dövriyyəsinin 79 faizinə ABŞ nəzarət etməklə liderdir. ABŞ-ın bu bazarda payı ondan sonrakı yerləri tutan 9 ölkənin ümumi payından 4 dəfə çoxdur.

Avropa Birliyi 10 faiz, Rusiya 5 faiz, Çin isə 2 faiz paya sahibdir.

2007-2017-ci illərdə ABŞ-ın orta illik silah satışları 143,2 milyard, növbəti yerlərdə gələn Rusiyanın 9,7 milyard, Fransanın 4,1 milyard, İngiltərənin 3.6 milyard, Almaniyanın 3, 6 milyard, Çinin 2.9 milyard dollar həcmində olub.

Digər yerləri isə İtaliya, İsrail, İsveç, İspaniya paylaşır.

1news.az