Paşinyanı dəli edən “sehirli qələm” əhvalatı – VİDEO
Baş nazir Nikol Paşinyanın “sehirli qələm” əhvalatı Ermənistanda artıq bir neçə gündür əsas gülüş obyektinə çevrilib.
1news.az axar.az-a istinadla xəbər verir, bir müddət öncə Paşinyana Ermənistanın Konstitusiya Məhkəməsinin sədri Qrayr Tovmasyan qələm hədiyyə edir. Tovmasyanla düşmənçilik həddində olan Paşinyan bahalı qələmi rüşvət adlandırır və onu qırır.
Maraqlı hadisələr bundan sonra başlayır. “Sehirli qələm” Nikolu təqib etməyə başlayır. Paşinyan hətta sosial şəbəkələrdə canlı video ilə onun haqqında danışır.
Münhendə isə qələm söhbətinin kuliminasiyası baş verir. Ermənistanın baş naziri Moldova prezidenti ilə söhbətə hazırlaşır. Birdən onun gözü masada olan qələmə sataşır. Paşinyan qələmi əlinə götürüb xeyli baxır. Onun şok vəziyyəti hamının diqqətini çəkir.
Ermənistan mətbuatı Paşinyanın həmin qələm ilə sərgüzəştlərini bir videoda birləşdirib...
Hazırda Ermənistanda ən çox müzakirə olunan həmin görüntüləri sizə təqdim edirik:
1news.az
