Ermənistanda koronavirusa yoluxanların sayı 84-ə çatıb
Ermənistanda koronavirusa yoluxanların ümumi sayı 84 nəfərə çatıb.
1news.az-ın erməni mətbuata istinadla verdiyi xəbərə görə, bu statistikanı martın 18-də ölkənin baş naziri Nikol Paşinyan bildirib.
Paşinyanın qeyd etdiyi kimi, hazırda 444 nəfərə virusa görə karantindədir, 790 vətəndaş isə təcrid olunub:
“Ümid edək ki, nəticədə İrandan gələn vətəndaşların vəziyyətində mümkün qədər artımını dayandıra biləcəyik”.
Xatırladaq ki, martın 16-dan Ermənistanda koronavirusun yayılmasının qarşısını almaq məqsədilə fövqəladə vəziyyət tətbiq olunub. Fövqəladə vəziyyət martın 16-sı, saat 18:30-dan aprelin 14-ü saat 09:00-a qədər tətbiq edilib. Burada ölkəyə giriş-çıxış, dövlət qurumlarının işi və kütləvi tədbirlər ilə əlaqəli bir sıra qadağalar və məhdudiyyətlər nəzərdə tutulur.
S.Xankişiyeva
