Bağlanan bankların bazarda qalması üçün nə qədər vəsait tələb olunurdu? – Baş bankirdən açıqlama
“Azərbaycanda lisenziyası ləğv edilmiş 4 məlum bankın bazarda qalması üçün 677 milyon manat tələb olunurdu”.
1news.az xəbər verir ki, bunu Azərbaycan Mərkəzi Bankının sədri Elman Rüstəmov keçirdiyi mətbuat konfransında bildirib.
“Həmin banklarla bu ilin yanvar ayından müzakirələr aparılıb. Ən çox “AGBank”la danışılıb. Halbuki, bu bankda da audit yoxlaması kapitalın mənfi olduğunu üzə çıxarmışdı. Bunu yalnız bizim audit yoxlaması deyil, xarici audit yoxlamaları da qeyd etmişdi.Biz mətbuatı izləyirik, bağlanan banklarla bağlı müzakirələr aparılır, təhlillər olur. Bunu yaxşı dəyərləndəririk, amma bəzi ekspertlər deyirlər ki, hansısa bankın vəziyyəti yaxşı olub. Mən həmin ekspertlərin peşəkarlığına şübhə ilə yanaşıram” - deyə o, qeyd edib.
Qafar Ağayev
