Saakaşvili: Dağlıq Qarabağ Azərbaycandır və bunu heç nə dəyişməyəcək

Dağlıq Qarabağ Azərbaycanın suveren ərazisidir və bunu heç nə dəyişməyəcək.

1news.az xəbər verir ki, bunu Gürcüstanın sabiq prezidenti Mixail Saakaşvili öz "Facebook" səhifəsində yazıb.

O bildirib ki, Ermənistanla Azərbaycan arasında toqquşmalar regionda sülhə və xalqlarımızın taleyinə biganə olmayan hər kəsin böyük narahatlığına səbəb olur:

"Mənim mövqeyim tam aydındır və ərazi bütövlüyü prinsipinə əsaslanır. Yəni, Dağlıq Qarabağ Azərbaycanın suveren ərazisidir və bunu heç nə dəyişməyəcək".

M.Saakaşvili əlavə edib ki, öz torpaqlarından qovulmuş hər kəs qayıtmaq, orada yaşayanlar isə sülh içində yaşamaq hüququna malikdir, onların hüquqları müdafiə olunmalıdır.

1news.az