Ermənistan kişilərin ölkədən çıxmasını məhdudlaşdırdı
Ermənistan hakimiyyəti kişilərin ölkədən çıxmasını məhdudlaşdırıb.
1news.az-ın erməni KİV-inə istinadla verdiyi xəbərə görə, artıq 18-55 yaş arasındakı kişilər respublikadan yalnız hərbi komissarlığın icazəsi ilə çıxa biləcəklər.
Bildirilir ki, bunun üçün onlar ərazi hərbi komissarlıqlarından yazılı təsdiq almalıdırlar.
Xatırladaq ki, 27 sentyabrdan Ermənistanda hərbi vəziyyət və ümumi səfərbərlik elan edilib. Erməni mediası ehtiyatda olanlarla dolu ilk avtobuslardan xəbər verir və bunun fonunda bir qrup erməni əsgər anaları Paşinyandan hərbi əməliyyatların dərhal dayandırılmasını, Azərbaycanla danışıqların davam etdirilməsini tələb edir. Eyni zamanda, Ermənistanın baş nazirinin özü nədənsə Dağlıq Qarabağ ərazisində yaşayan erməniləri təcili olaraq Ermənistana qaçmağa çağırır.
S.Xankişiyeva
