Beynəlxalq Görmə Məhdudiyyətli İdmançılar Assosiasiyası yarışların yenilənmiş təqvimini dərc edib

Beynəlxalq Görmə Məhdudiyyətli İdmançılar Assosiasiyası yarışların yenilənmiş təqvimini dərc edib.

1news.az-ın məlumatına görə, təqvimə əsasən, bu ilin 20-28 may tarixlərində paracüdo idman növü üzrə Qran-Pri, beynəlxalq təlim-məşq toplantısı və tibbi göz təsnifatının Bakıda keçiriləcəyi gözlənilir. Paracüdo üzrə “IBSA Judo Grand Prix Baku 2021” yarışlarının 24-25 may tarixlərində keçirilməsi planlaşdırılır və bu Qran-Pri “Tokio 2020” Yay Paralimpiya Oyunları öncəsi sonuncu təsnifat yarışı olacaq.

Qeyd edək ki, cari ilin may ayında keçirilməsi nəzərdə tutulan yarışla bağlı yekun qərar aprel ayında ölkədə tətbiq edilmiş karantin rejiminin vəziyyətindən asılı olaraq qəbul ediləcək.

1news.az