“La Vanguardia” qəzeti: Müharibədən sonra Qarabağa qayıdış | 1news.az | Xəbərlər
Siyasət

“La Vanguardia” qəzeti: Müharibədən sonra Qarabağa qayıdış

12:28 - 08 / 03 / 2021
“La Vanguardia” qəzeti: Müharibədən sonra Qarabağa qayıdış

Azərbaycan Prezidenti İlham Əliyevin fevralın 26-da yerli və xarici media nümayəndələri üçün keçirdiyi mətbuat konfransında iştirak edən jurnalistlər ölkəmizlə bağlı həqiqətləri işıqlandırmaqda davam edirlər.

Həmin jurnalistlər işğaldan azad olunmuş rayonlarımıza da səfər edib, erməni vəhşiliyini gözləri ilə görüb və bu barədə dünya ictimaiyyətini ətraflı məlumatlandırırlar. Növbəti belə məqalə İspaniyanın nüfuzlu “La Vanguardia” qəzetində dərc olunub.

1news.az Jordi Joan Banosun müəllifi olduğu “Müharibədən sonra Qarabağa qayıdış” adlı məqalənin xülasəsini təqdim edir.

Doğma yurdlarından didərgin düşmüş azərbaycanlılar evlərinə qayıtmaq üçün genişmiqyaslı təmir-bərpa işlərinin bitməsini gözləyirlər.

Yüz minlərlə köçkün bir vaxtlar onlara mənsub olan diyarlarına - Qarabağa qayıtmaq istəyirlər və 30 illik həsrətdən sonra səbirsizlənirlər. Onları oraya tələsdirən 3-4 divardan savayı, bir izin qalmadığı dədə-baba yurdlarını tamamilə yenidən inşa etmək istəyidir. Ancaq, ilk növbədə, Azərbaycan dövləti bu əraziləri minalardan təmizləməlidir, bu, minlərlə kilometr ərazi deməkdir. “Minalar hər tərəfdədir. Ermənistan minalanmış sahələrin xəritəsini verməkdən boyun qaçırır və ya belə bir xəritənin mövcud olmadığını iddia edir”, - deyə Azərbaycan tərəfi bildirir.

Beləliklə, 30 il əkilib-becərilmədən daş dövrünə geri qayıtmış bu ərazilərdə ilk iş elektrik dirəklərinin, yüksəkgərginlikli qüllələrin qurulması oldu. Hazırda ilk elektrik stansiyası inşa edilir.

Bir müddət bundan öncə yalnız xarabalıq və müharibə izlərinin olduğu bu ərazilərdə indi irihəcmli işlər gedir. Məsələn, minalardan təmizləmə, təmizlənmış ərazilərdə elektrik xətlərinin çəkilişi və yolların salınması. Füzuli rayonunda “Beynəlxalq hava limanı” yazısı ilə rastlaşırıq.

“Azərbaycan Hava Yolları”nın nümayəndəsi Füzulidə tikilən hava limanının ölkənin ən böyük aeroportlarından biri olacağını bildirib. Hansı ki, ermənilər bu əraziləri - Füzuli və Ağdam rayonlarının bir hissəsini işğal zamanı viran qoyublar.

Xocavənd rayonunun azad olunmuş Böyük Tağlar kəndində Azərbaycan və Türkiyə bayraqlarının əks olunduğu lövhələr diqqəti cəlb edir.

On dörd yaşına qədər Ağdamda yaşamış və 1990-cı illərin əvvəllərinə kimi böyük əksəriyyəti azərbaycanlılardan ibarət olmuş şəhərin girişində məyus olmuş tur bələdçimiz qarışıq hisslər keçirdiyini söyləyir: “Bu yerlərdən məcburi köçürülmüş azərbaycanlılar artıq geri qayıda bilərlər. Onların evləri Suriyadan və ya Livandan buraya köçürülmüş ermənilər tərəfindən zəbt olunmuşdu”.

Böyük Tağlar kəndi, eyni zamanda, Avrasiyanın ən qədim mağaraları ilə məşhurdur.

Zəfər yolu azərbaycanlılar üçün qeyri-adi bir şəhər olan Şuşaya gedən yoldur.

Azərbaycan bu günlərdə 26 fevral tarixini – müharibənin ən qanlı, amansız səhifəsi olan Xocalı faciəsini anıb. İyirmi doqquz il əvvəl böyük əksəriyyəti azərbaycanlılardan ibarət olan Xocalı şəhəri etnik təmizləməyə məruz qalıb. Altı min sakin qaçmağa məcbur olub. Hər 10 nəfərdən biri öldürülüb.

Beynəlxalq Münasibətlərin Təhlili Mərkəzinin idarə heyətinin sədri Fərid Şəfiyev deyir ki, Xocalı faciəsinin müəllifləri heç vaxt cəzalandırılmadılar. Bu səbəbdən yalnız barış deyil, həm də Balkanlarda, Sierra Leonada və ya Ruandada olduğu kimi, ədalət də vacibdir. Bütün törədilənlərin cəzasız qalması isə Ermənistanın Gəncədə mülki şəxsləri bombardman etməsinə gətirib çıxardı.

Beş yaşında məcburi köçkün düşən Samira Hüseynova deyir ki, yalnız ədalət qalib gəlsə, sakitlik tapacağıq.

Bölgədə bərpa işlərinin tam həyata keçirilməsini ərazilərə basdırılmış minalar məhdudlaşdırır. Təlim keçmiş itləri olan minatəmizləyənlər yeganə təhlükəsiz ərazi sayılan asfalt yollarla yanaşı, digər əraziləri də yoxlayırlar.

Şuşaya çəkilən və Zəfər adlanan yolun azərbaycanlılar üçün böyük əhəmiyyəti var.

Heç şübhəsiz, Azərbaycan öz ərazisinin ən gözəl guşəsini azad etdi. Bu torpaqlar azərbaycanlıların əcdadlarının dəfn olunduqları və uşaqlıq xəyallarının onları gözlədiyi yerlərdir.

Paylaş:
309

Son xəbərlər

Xankəndidə avtomat və qumbaralar aşkarlanıbBu gün, 10:35Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıbBu gün, 10:23NYMEX əmtəə birjasında təbii qazın qiyməti artıbBu gün, 10:01Xırdalanda partladıcı və qumbaralar tapılıb - VİDEOBu gün, 09:46Azərbaycan neftinin qiyməti 89 dolları ötübBu gün, 09:44Ötən gün vətəndaşlardan götürülən silahların sayı açıqlandıBu gün, 09:29Beynəlxalq əmtəə, fond və valyuta bazarlarının göstəriciləriBu gün, 09:22Füzuli şəhərinə növbəti köç karvanı yola salınıbBu gün, 09:11Şirvanda saxlanılan şəxsdən 4 kiloqram narkotik vasitə götürülübBu gün, 09:08Bakının bir sıra yollarında nəqliyyatın hərəkətində çətinliklər yaranıbBu gün, 08:58İki ali məktəbə prorektor təyin edilib28 / 03 / 2024, 17:58Himayədar ailə olma zamanı tibbi müayinə pulsuz olacaq28 / 03 / 2024, 17:51Qubanın bir hissəsinin qaz təchizatında fasilə yaranacaq28 / 03 / 2024, 17:466 aylıq körpə bacısının dırnağını ağzına saldı, xəstəxanalıq oldu28 / 03 / 2024, 17:37Əməkdar artist Rahib Əliyev vəfat edib28 / 03 / 2024, 17:28CAR lideri Prezident İlham Əliyevi təbrik edib28 / 03 / 2024, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏR28 / 03 / 2024, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənib28 / 03 / 2024, 16:34Taksi minik avtomobilləri ağ və ya qırmızı rənglərdə olacaq28 / 03 / 2024, 16:21Builki bayram günlərində yol qəzalarında ölüm faktı 36 faiz azalıb28 / 03 / 2024, 16:06
Bütün xəbərlər