Ötən il Azərbaycanda 1,2 min nəfərə müharibə veteranı adı və vəsiqəsi verilib

Müdafiə Nazirliyində fəaliyyət göstərən “Veteran adlarının və müvafiq vəsiqələrin verilməsi üzrə komissiya” tərəfindən 7,4 min ərizənin baxılması təmin edilib.

1news.az-ın verdiyi xəbərə görə, bu barədə Nazirlər Kabinetinin 2020-ci ilə dair hesabatında bildirilib.

Hesabatda qeyd olunub ki, komissiyanın qərarları əsasında 1,4 mindən çox nəfərə müvafiq veteran adı və vəsiqəsi verilib.

Onlardan 1,2 min nəfər müharibə veteranı, 182 nəfər Silahlı Qüvvələr veteranı, 5 nəfər isə əmək veteranıdır.