“İslam Əməkdaşlıq Təşkilatının nümayəndələrinin səfəri işimizə böyük töhfə verəcək” - Deputat | 1news.az | Xəbərlər
Siyasət

“İslam Əməkdaşlıq Təşkilatının nümayəndələrinin səfəri işimizə böyük töhfə verəcək” - Deputat

Qafar Ağayev17:20 - 06 / 04 / 2021
“İslam Əməkdaşlıq Təşkilatının nümayəndələrinin səfəri işimizə böyük töhfə verəcək” - Deputat

İslam Əməkdaşlıq Təşkilatının (İƏT) Təmas Qrupu üzvləri Azərbaycanda səfərdədir. Təmas Qrupunun üzvləri bu gün Gəncədə və işğaldan azad edilmiş ərazilərdə olublar.

Ağdam məscidində namaz qılan İƏT nümayəndələri sonra Ağdam şəhərində İbrahim Xəlil Xanın İmarətində olublar. Xatırladaq ki, ermənilər işğal dövründə bu imarətdə donuz saxlayırdılar.

Bu səfərin əhəmiyyəti barədə 1news.az-a danışan Milli Məclisin İslam Əməkdaşlığı Təşkilatı Parlament İttifaqının üzvü, deputat Ceyhun Məmmədov bildirib ki, ermənilər işğal müddətində bizim bütün dini, tarixi abidələrimizi dağıdıb:

“Eyni zamanda qeyd etmək lazımdır ki, Ermənistan uzun müddətdir çalışır ki, müsəlman ölkələri ilə sıx əlaqə qursun. Ermənistan özünü müsəlman ölkələrinin dostu kimi göstərməyə çalışır. Amma reallıq onu göstərir ki, bu heç də belə deyil. Bizim torpaqlarımız Ermənistanın işğalı altında olduğu vaxtda bizim abidələrimiz dağıdılıb. Müharibədən əvvəlki dövrdə də Ermənistanın xarici işlər naziri müsəlman ölkərinə gedərək orada dostluq mesajı verirdi ki, biz müsəlmanların dostuyuq, gəlin əlaqə yaradaq, əməkdaşlıq edək”.

Deputat qeyd edib ki, bu məsələdə müsəlman ölkələri 3 kateqoriyaya bölünüb:

“Bir hissəsi Ermənistanla heç bir əlaqə saxlamayan, Pakistan kimi, başqa bir hissəsi Ermənistanla sıx əlaqə saxlayan, bir də neytral mövqedə duran ölkələr var. Bu baxımdan İslam Əməkdaşlıq Təşkilatının Təmas Qrupunun üzvlərinin Azərbaycana səfəri xüsusi önəm daşıyır. Onlar öz gözləri ilə görəcək ki, ermənilər bizim ərazilərimizi, tarixi, dini abidələrimizi necə vəhşicəsinə dağıdıblar. Cənab Prezidentin də qeyd etdiyi kimi, 67 məsciddən yalnız 3-ü nisbətən salamat qalıb. Qəbiristanlıqlar, ziyarətgahlar dağıdılıb, İslam irsinə aid olan hər şey məhv edilib. Bu da Ermənistanın islamafob siyasət həyata keçirdiyini göstərir. Cənab Prezidentin qeyd etdiyi kimi, eyni zamanda onu göstərir ki, məscidləri dağıdan ölkədən müsəlmanların dostu ola bilməz”.

“Bu gün bizim qarşımızda çox böyük bir missiya durur” – deyə, deputat hesab edir ki, İslam Əməkdaşlıq Təşkilatının Təmas Qrupunun üzvlərini səfəri, onların bu erməni vəhşiliklərini görməsi bizim ümumi işimizə böyük töhfə verəcək:

“Bu missiya ondan ibarətdir ki, biz ermənilərin dağıtdıqları məscidləri, ümumiyyətlə, işğal müddətində törətdikləri vəhşilikləri dünya ictimaiyyətinə çatdırmalıyıq. Biz bunu müxtəlif platformalarda edirik və hesab edirəm ki, çox sayda İslam ölkələrini özündə birləşdirən İslam Əməkdaşlıq Təşkilatının Təmas Qrupunun üzvlərini səfəri, onların bu erməni vəhşiliklərini görməsi bizim ümumi işimizə böyük töhfə verəcək”.

Paylaş:
878

Son xəbərlər

İki ali məktəbə prorektor təyin edilibBu gün, 17:58Himayədar ailə olma zamanı tibbi müayinə pulsuz olacaqBu gün, 17:51Qubanın bir hissəsinin qaz təchizatında fasilə yaranacaqBu gün, 17:466 aylıq körpə bacısının dırnağını ağzına saldı, xəstəxanalıq olduBu gün, 17:37Əməkdar artist Rahib Əliyev vəfat edibBu gün, 17:28CAR lideri Prezident İlham Əliyevi təbrik edibBu gün, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏRBu gün, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənibBu gün, 16:34Taksi minik avtomobilləri ağ və ya qırmızı rənglərdə olacaqBu gün, 16:21Builki bayram günlərində yol qəzalarında ölüm faktı 36 faiz azalıbBu gün, 16:06“Azərbaycan Sənaye Bankı” tələbləri pozdu, AMB məcburi sərəmcam verdiBu gün, 15:57FHN və ADY birgə təlim keçirib - FOTO - VİDEOBu gün, 15:34Vilayət Eyvazov Şamaxıda vətəndaşları qəbul edibBu gün, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edibBu gün, 15:08“YAŞAT” Fondu müharibə əlilinə dəstək veribBu gün, 14:36“Azərişıq” Göyçayda yenidənqurma işlərinə başlayıb - VİDEOBu gün, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyilBu gün, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”Bu gün, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olunduBu gün, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıbBu gün, 13:10
Bütün xəbərlər