İƏT Baş katibi: Bu qələbə tək Azərbaycanın deyil, eyni zamanda üzv dövlətlər üçün qələbədir
"Bu dəvətə görə təşəkkür etmək istəyirik. Hər şeydən əvvəl Azərbaycan xalqını qələbə münasibətilə təbrik edirik" .
1news.az xəbər verir ki, bu sözləri İslam Əməkdaşlıq Təşkilatının Baş katibi Yusif Bin Əhməd Əl-Osaymin deyib.
"Bu səfərdə nümayəndə heyəti baş verənləri öz gözləri ilə görmək imkanı əldə etdilər. Mən Cənab Prezident İlham Əliyev tərəfindən qəbul edildim. Prezident İlham Əliyevin səyləri nəticəsində 30 illik işğal altında olan Azərbaycan torpaqları öz sahiblərinə qayıtdı".
Baş katib deyib ki, bu qələbə tək Azərbaycan üçün qələbə deyil, bizim üzv dövlətlərimiz üçün qələbədir.
"Çünki bizim üzv dövlətimiz olan Azərbaycan öz torpaqlarını işğaldan azad edib. 30 il çox böyük bir müddərdir. Başqa bir ölkədə baş versəydi bəlkə də bunu unudardılar. Azərbaycan dözümlülük nümayiş etdirib 30 il sonra torpaqlarını işğaldan azad etdi. Cənab Prezident mənə bildirdi ki, bir santimetr də əlavə əraziyə daxil olmuşuq, ancaq özümüzə aid olan torpaqlar tam olaraq işğaldan azad etmişik".
