Minalı torpaqlar və icazəsiz səfərlər - “Çıxışa doğru”da MÜZAKİRƏ – FOTO – VİDEO
30 ilə yaxın düşmən işğalında qalan torpaqlarımızın azad olunması ilə doğma yurda qovuşmaq həsrətinə son qoyulması insanların əhval-ruhiyyəsini yüksəldib.
İllərdən bəri böyüyüb, boya-başa çatdığı ata-baba ocağını ziyarət etmək istəyənlərin tələskənliyi də anlaşılandır. Amma unutmaq olmaz ki, o torpaqlar illərdən bəri insan qanına susayan, ayaqları dəyən yerləri xarabazara çevirən erməni faşistlərinin, vəhşilərin nəzarəti altında qalıb. Bu baxımdan vətəndaşlar özlərinin, başqalarının həyatını qorumaq üçün daha məsuliyyətli olmalı, qadağan olunan ərazilərə gediş-gəlişlə bağlı xəbərdarlıqlara əməl etməlidirlər. Son günlərdə minadan təmizlənməmiş ərazilərə icazəsiz gedişlər zamanı baş verən bədbəxt hadisələr üzücü olmaqla bərabər, daha ehtiyatlı olmağı tələb edir.
1news.az-ın verdiyi xəbərə görə, AzTV-nin “Çıxışa doğru” verilişində “Minalı torpaqlar və icazəsiz səfərlər” mövzusunda aparılan müzakirələr zamanı bu barədə ətraflı danışılıb. Verilişin qonaqları – Əməliyyat İdarəsinin Sistemlərin Tətbiqi və Metodologiyası şəbəsinin müdiri Adil Aslanov, “Minalar Əleyhinə Azərbaycan Kampaniyası” İB-nin sədri Hafiz Səfixanov, hərbi ekspertlər Ədalət Verdiyev və Elxan Şıxəliyev mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz: