Bakı-London aviareysinin açılacağı tarix məlum olub

İyunun 11-dən etibarən "Azərbaycan Hava Yolları" (AZAL) aviaşirkəti Bakı-London-Bakı marşrutu üzrə xüsusi reyslərinin yerinə yetirilməsinə başlayacaq.

Bu barədə 1news.az-a AZAL-dan bildirilib.

Qeyd olunub ki, uçuşlar həftədə bir dəfə - V günlər saat 10:00-da "Airbus" təyyarələri ilə yerinə yetiriləcək.

Xatırladaq ki, daha əvvəl bu istiqamətdə uçuşların may ayından etibarən başlanması nəzərdə tutulurdu. Lakin London istiqamətində uçuşlara tələbatın aşağı səviyyədə olması ilə əlaqədar reysin açılması iyun ayına keçirilmişdi.

1news.az