Bakı şəhər halqasında Formula 2 üzrə sərbəst yürüşlərə start verilib

İyunun 4-də Formula 1 Azərbaycan Qran-Prisi çərçivəsində Bakı şəhər halqasında Formula 2 yarışı üzrə sərbəst yürüşlərə start verilib.

1news.az bildirir ki, 45 dəqiqə davam edəcək sərbəst yürüşlər başa çatdıqdan sonra saat 12:30-dan 13:30-dək Formula 1 Azərbaycan Qran-Prisinin ilk sərbəst yürüşü keçiriləcək. Saat 14:30-da isə Formula 2-nin sıralama turu başlayacaq.

Formula 2 yarışında 11 komanda birincilik uğrunda mübarizə aparır. Hər komandanı 2 pilot təmsil edir.

Formula 1 Azərbaycan Qran Prisi 4-6 iyun tarixlərində davam edəcək.

1news.az