Xəzər Siyasət Mərkəzi Vaşinqtonda 5-ci Transxəzər Forumunun 1-ci gününə ev sahibliyi edib - VİDEO | 1news.az | Xəbərlər
Siyasət

Xəzər Siyasət Mərkəzi Vaşinqtonda 5-ci Transxəzər Forumunun 1-ci gününə ev sahibliyi edib - VİDEO

Qafar Ağayev09:08 - 11 / 06 / 2021
Xəzər Siyasət Mərkəzi Vaşinqtonda 5-ci Transxəzər Forumunun 1-ci gününə ev sahibliyi edib - VİDEO

9 iyun tarixində Xəzər Siyasət Mərkəzi Vaşinqtonda Amerika Birləşmiş Ştatları ilə Transxəzər dəhlizi ölkələri arasında biznes, ticarət və investisiya imkanlarını araşdırmaq üçün 5-ci Transxəzər Forumunun 1-ci gününə ev sahibliyi edib.

Forum çərçivəsində ABŞ-dan və Xəzəryanı ölkələrdən olan natiqlər qlobal COVID-19 pandemiyası zamanı Xəzər bölgəsinin yaşadığı əsaslı dəyişiklikləri və bu dəyişikliklərin gələcəkdə ABŞ–Xəzər regionu əməkdaşlığı üçün yeni imkanlar yaratdığını müzakirə ediblər.

Builki forum Əfqanıstan, Azərbaycan, Gürcüstan, Qazaxıstan, Qırğızıstan, Tacikistan, Türkiyə və Özbəkistan səfirliklərinin birgə təşkilatçılığı, ABŞ Dövlət Departamenti və ABŞ Milli Təhlükəsizlik Şurasının iştirakı ilə ABŞ Ticarət Departamenti və ABŞ Beynəlxalq İnkişaf Agentliyinin dəstəkləri əssında baş tutub.

Xəzər Siyasət Mərkəzinin İcraçı direktoru Əfqan Nifti, insanları və məhsulları qitələr boyunca birləşdirməkdə Xəzər regionunun mühüm rol oynadığını, həmçinin Transxəzərin Avropa ilə Asiya arasında körpü, ticarət, infrastruktur, enerji üçün bir mərkəz rolu oynadığını qeyd edib. “Xəzər regionu ölkələri otuz il əvvəl müstəqilliklərini qazanmalarından indiyədək ABŞ üçün mühüm strateji ortaqlar olublar. Qlobal enerji təhlükəsizliyini artırmaq, ekstremizmlə mübarizə aparmaq və saysız digər təşəbbüslərlə yanaşı, narkotik və nüvə material axınına nəzarət etmək üçün Vaşinqton ilə həvəslə çalışıblar.” – deyə Ə. Nifti qeyd edib.

Forumda Əfqanıstanın ABŞ-dakı səfiri Röya Rəhmani, Azərbaycanın ABŞ-dakı səfiri Elin Süleymanov, Gürcüstanın ABŞ-dakı səfiri David Bakradze, Qazaxıstanın ABŞ-dakı səfiri Yerjan Aşikbayev, Qırğızıstan Respublikasının ABŞ-dakı səfiri Baktybek Amanbaev, Özbəkistanın ABŞ-dakı səfiri Javlon Vakhabov və Türkiyənin ABŞ-dakı səfirinin müavini Sinan Ertay və 2021-2022-ci illərdə ölkələrinə bölgəyə daha çox beynəlxalq sərmayə qoyuluşu və sıx iş birliyi ilə dəstəklənə biləcək güclü layihələr barədə fikirlərini bölüşüblər.

Səfir Elin Süleymanov çıxışında “Cənub Qaz Dəhlizinin özəyi Azərbaycan, Türkiyə və Gürcüstan arasındakı regional əməkdaşlıq idi.” fikrini vurğulayıb.

ABŞ Dövlət Departamentinin İqtisadi və Ticarət Məsələləri Bürosu, Dövlət katibinin ticarət siyasəti və danışıqlar üzrə köməkçisinin müavini Matt Murray, ABŞ Milli Təhlükəsizlik Şurasının Rusiya və Orta Asiya üzrə baş direktoru vəzifəsini icra edən Erik Grin, ABŞ Beynəlxalq İnkişaf Agentliyi, Avropa və Avrasiya Bürosu, İdarəedici Köməkçisi vəzifəsini icra edən Margot Ellis iqtisadi suverenliyi təmin etmək, beynəlxalq terrorizmə qarşı mübarizə və dəstək üçün ABŞ-ın bölgənin xarici siyasət inkişafındakı roluna həsr olunmuş əsas çıxışında bildirib.

Forumda həmçinin, Azərbaycan Respublikası İqtisadiyyat nazirinin məsləhətçisi Emil Məcidov, Azərbaycan Respublikası Nəqliyyat, Rabitə və Yüksək Texnologiyalar nazirliyinin Nəqliyyat siyasəti şöbəsinin müdiri Arif Məmmədov, Bakı Beynəlxalq Ticarət Limanının baş direktoru Taleh Ziyadov, Azərbaycan Xəzər Dəniz Gəmiçiliyi QSC-nin sədr müavini Fərhad Quliyev və başqaları çıxış ediblər.

Paylaş:
71

Son xəbərlər

Qabon XİN başçısı: “Hər zaman Azərbaycanın haqlı mövqeyini dəstəkləyirik”19 / 06 / 2021, 17:55İstanbulda zəlzələ olub19 / 06 / 2021, 17:45İlham Əliyev İranın yeni seçilmiş prezidentini təbrik edib19 / 06 / 2021, 17:40Paralimpiyaçımız Pərvin Məmmədov “Tokio-2020”yə lisenziya qazanıb19 / 06 / 2021, 17:38Vaksinasiya STATİSTİKASI: Son sutkada COVID-19 əleyhinə 40709 vaksin vurulub - FOTO19 / 06 / 2021, 17:26Azərbaycanda 19 iyuna olan COVID-19 statistikası AÇIQLANDI19 / 06 / 2021, 17:15Cəmşid Naxçıvanski adına Hərbi Liseydə kursantların növbəti buraxılış mərasimi keçirilib - FOTO19 / 06 / 2021, 17:09Ceyhun Bayramov Antalyada küveytli həmkarı və Beynəlxalq Türk Akademiyasının prezidenti ilə görüşüb - FOTO19 / 06 / 2021, 16:55Rusiyada koronavirus pandemiyasının üçüncü dalğası başlayıb19 / 06 / 2021, 16:40Bakının iki rayonda içməli suyun verilməsində məhdudiyyət yaranıb19 / 06 / 2021, 16:30Beş ayda tarlalardan 63,7 min ton taxıl yığılıb19 / 06 / 2021, 16:18Nazirlik sosial şəbəkələrdə yaranan problemlə bağlı açıqlama yaydı: Qlobal xarakter daşıyır19 / 06 / 2021, 16:08Müdafiə Nazirliyinin nümayəndə heyəti Milli Qəhrəman Mübariz İbrahimovun məzarını ziyarət edib - FOTO19 / 06 / 2021, 16:00İran Böyük Britaniyaya nota verib19 / 06 / 2021, 15:50Xətaidə azyaşlını hədələyib telefonunu alan şəxslər saxlanıldı - FOTO19 / 06 / 2021, 15:41Füzulidə yol qəzası: Ölən və yaralananlar var19 / 06 / 2021, 15:30Ceyhun Bayramov Antalyada qabonlu həmkarı ilə görüşüb19 / 06 / 2021, 15:18Pakistan Silahlı Qüvvələrinin Quru Qoşunları komandanı Azərbaycana səfər edəcək19 / 06 / 2021, 15:10Yaşasaydı 38 yaşı tamam olacaqdı - Qəbələdə şəhid Bəhruz Abuşovun xatirəsi anıldı - FOTO19 / 06 / 2021, 15:07BNA-dan futbol üzrə Avropa çempionatı ilə əlaqədar azarkeşlərə MÜRACİƏT19 / 06 / 2021, 15:03
Bütün xəbərlər

Next TV