Deputat: “AVRO 2020-nin Bakıda keçirilməsi göstərir ki, dünya dövlətləri, beynəlxalq təşkilatlar Azərbaycana güvənir” | 1news.az | Xəbərlər
Siyasət

Deputat: “AVRO 2020-nin Bakıda keçirilməsi göstərir ki, dünya dövlətləri, beynəlxalq təşkilatlar Azərbaycana güvənir”

Qafar Ağayev10:54 - 11 / 06 / 2021
Deputat: “AVRO 2020-nin Bakıda keçirilməsi göstərir ki, dünya dövlətləri, beynəlxalq təşkilatlar Azərbaycana güvənir”

Ötən il pandemiya səbəbindən təxirə salınan AVRO 2020 futbol çempionatının bu il keçirilməsinə başlanılır.

Dünyanın önəmli yarışlarından olan AVRO 2020-nin 4 oyunu Azərbaycanın paytaxtı Bakı şəhində Olimpiya Stadionunda keçiriləcək. Azərbaycan indiyədək bir çox beynəlxalq yarışlara ev sahibliyi edib. Bəs görəsən bu tədbirlərin əhəmiyyəti nədir?

Məsələ ilə bağlı 1news.az-a danışan Milli Məclisin deputatı Naqif Həmzəyev deyib ki, keçirilən beynəlxalq yarışlar həm Azərbaycanın tanıdılmasına, həm sağlam həyat tərzinin təbliğinə, həmçinin də turizmə çox böyük töhfə verir.

“AVRO-2020 futbol yarışları ötən il pandemiyaya görə keçirilə bilmədi. Buna görə də bu il keçirilməsinə qərar verilib. Azərbaycanda, Bakı şəhərində Bakı Olimpiya Stadionunda belə bir yarışın keçirilməsi bizi sevindirir. Bizi ikiqat sevindirən cəhətlərdən biri də ondan ibarətdir ki, keçirilən oyunların ikisində məhz qardaş Türkiyənin Milli komandası iştirak edəcək. Əgər Azərbaycan milli komandası yoxdursa, biz Türkiyəni dəstəkləyirik və Türkiyənin bu yarışlarda uğurla çıxış edəcəyini gözləyirik”.

Deputat deyib ki, artıq Azərbaycanda karantinlə bağlı yumşaldılmalar gedir.

“Rusiya və Türkiyənin vətəndaşları Azərbaycana rahat səfər edə biləcəklər. Düşünürəm ki, bu normal həyata qayıdışa da bir işarədir. Koronavirusa yoluxmada say artımı olmasa, normal həyata qayıda biləcəyik. İstənilən halda AVRO-2020-nin keçirilməsi idman bayramıdır. Azarkeşlər bu yarışlara qatılacaqlar və dünyanın da gözü Azərbaycanda, Bakıda olacaq.Tək canlı yox, eyni zamanda televiziya vasitəsilə də dünyanın bir çox yerlərindən Azərbaycanda keçirilən bu yarış izlənəcək. Düşünürəm ki, Azərbaycanın tanıdılması üçün bunun çox böyük rolu var”.

N.Həmzəyevin sözlərinə görə, Azərbaycan həmişə çalışıb ki, öz büdcəsini balanslaşdırılmış şəkildə xərcləsin və sosialyönümlü büdcəyə üstünlük verib.

“44 günlük Vətən müharibəsində də Azərbaycan zəfər əldə etdi. Ancaq zəfərdən sonra hərbi xərcləri azaltmadı, əksinə artırdı, həmçinin digər sahələrlə bağlı da öz xərclərini yüksəltdi. Unutmamalıyıq ki, biz bu gündən sonra daha güclü olmalıyıq. Regionun diqtə edən dövlətiyik və müharibədən, qələbədən 7 ay sonra belə bir mötəbər yarışın Azərbaycanda keçirilməsi və Azərbaycanın bu yarışı keçirmək üçün təhlükəsiz ölkə elan edilməsi bizi sevindirməlidir. Həmçinin bu göstərir ki, dünya dövlətləri, beynəlxalq təşkilatlar Azərbaycana güvənir. Azərbaycan öz inkişafını davam etdirir, ölkəmiz regionun ən aparıcı dövlətidir, bu bizim gələcək inkişafın təməlidir. Düşünürəm ki, biz bunu növbəti zəfərimiz, uğurumuz kimi qiymətləndirməliyik. İnşallah qismət olsa gələcəkdə dünyanın məşhur klubları Qarabağ torpaqlarında, Şuşada, elə Ağdamın özündə “Qarabağ” Futbol komandasının qonaqları olacaq”.

Paylaş:
236

Son xəbərlər

Qabon XİN başçısı: “Hər zaman Azərbaycanın haqlı mövqeyini dəstəkləyirik”19 / 06 / 2021, 17:55İstanbulda zəlzələ olub19 / 06 / 2021, 17:45İlham Əliyev İranın yeni seçilmiş prezidentini təbrik edib19 / 06 / 2021, 17:40Paralimpiyaçımız Pərvin Məmmədov “Tokio-2020”yə lisenziya qazanıb19 / 06 / 2021, 17:38Vaksinasiya STATİSTİKASI: Son sutkada COVID-19 əleyhinə 40709 vaksin vurulub - FOTO19 / 06 / 2021, 17:26Azərbaycanda 19 iyuna olan COVID-19 statistikası AÇIQLANDI19 / 06 / 2021, 17:15Cəmşid Naxçıvanski adına Hərbi Liseydə kursantların növbəti buraxılış mərasimi keçirilib - FOTO19 / 06 / 2021, 17:09Ceyhun Bayramov Antalyada küveytli həmkarı və Beynəlxalq Türk Akademiyasının prezidenti ilə görüşüb - FOTO19 / 06 / 2021, 16:55Rusiyada koronavirus pandemiyasının üçüncü dalğası başlayıb19 / 06 / 2021, 16:40Bakının iki rayonda içməli suyun verilməsində məhdudiyyət yaranıb19 / 06 / 2021, 16:30Beş ayda tarlalardan 63,7 min ton taxıl yığılıb19 / 06 / 2021, 16:18Nazirlik sosial şəbəkələrdə yaranan problemlə bağlı açıqlama yaydı: Qlobal xarakter daşıyır19 / 06 / 2021, 16:08Müdafiə Nazirliyinin nümayəndə heyəti Milli Qəhrəman Mübariz İbrahimovun məzarını ziyarət edib - FOTO19 / 06 / 2021, 16:00İran Böyük Britaniyaya nota verib19 / 06 / 2021, 15:50Xətaidə azyaşlını hədələyib telefonunu alan şəxslər saxlanıldı - FOTO19 / 06 / 2021, 15:41Füzulidə yol qəzası: Ölən və yaralananlar var19 / 06 / 2021, 15:30Ceyhun Bayramov Antalyada qabonlu həmkarı ilə görüşüb19 / 06 / 2021, 15:18Pakistan Silahlı Qüvvələrinin Quru Qoşunları komandanı Azərbaycana səfər edəcək19 / 06 / 2021, 15:10Yaşasaydı 38 yaşı tamam olacaqdı - Qəbələdə şəhid Bəhruz Abuşovun xatirəsi anıldı - FOTO19 / 06 / 2021, 15:07BNA-dan futbol üzrə Avropa çempionatı ilə əlaqədar azarkeşlərə MÜRACİƏT19 / 06 / 2021, 15:03
Bütün xəbərlər

Next TV