Deputat: “Karabakh.Center”in yaradılması intellektual mübarizə meydanında üstün olmaq baxımından əhəmiyyətlidir – FOTO – VİDEO | 1news.az | Xəbərlər
Siyasət

Deputat: “Karabakh.Center”in yaradılması intellektual mübarizə meydanında üstün olmaq baxımından əhəmiyyətlidir – FOTO – VİDEO

S.Xankişiyeva18:41 - 03 / 07 / 2021
Deputat: “Karabakh.Center”in yaradılması intellektual mübarizə meydanında üstün olmaq baxımından əhəmiyyətlidir – FOTO – VİDEO

“Karabakh.Center” internet resursunun yaradılması yalnız təbliğat deyil, həm də intellektual mübarizə meydanında üstün olmaq baxımından əhəmiyyətlidir.

1news.az-ın verdiyi xəbərə görə, bunu millət vəkili Ramin Məmmədov Milli Məclisin iyulun 2-də keçirilən iclasında çıxışı zamanı “Karabakh.Center” internet resursu haqqında bildirib.

Deputat qeyd edib ki, Azərbaycanın zəfəri ilə başa çatan Vətən müharibəsindən sonra müəyyən xarici-siyasi dairələrin ölkəmizə qarşı qərəzli mövqeyinin davam etdirildiyini müşahidə etməkdəyik:

“30 il ərzində Azərbaycan torpaqlarının Ermənistanın işğalı altında qalmasına laqeyd sükut nümayiş etdirən bəzi təşkilatlar və qurumlar bu gün yaranmış yeni geosiyasi reallıqların məntiqini düzgün qiymətləndirmək istəmirlər. Şübhəsiz ki, münaqişənin başa çatmasında narahat olanlar var. Bu narahatlığın səbəblərindən biri Azərbaycanın sürətli inkişafı, hərbi və siyasi müstəvidə öz gücünün artırılmasıdır. Azərbaycanın tarixi qələbəsini təhrif etmək cəhdlərini də müşahidə edirik”

R.Məmmədov bildirib ki, fikrimcə bu cür təşəbbüslər birliyimizin nə qədər əhəmiyyətli olduğunu görməyə imkan verir:

“Eyni zamanda, Azərbaycanın haqlı mövqeyinin dünyaya çatdırılması istiqamətində fəaliyyətimizi daha da genişləndirməli olduğumuzu göstərir. Bu baxımdan Azərbaycanın Birinci vitse-prezidenti, Heydər Əliyev Fondunun prezidenti Mehriban xanım Əliyevanın təşəbbüsü ilə Qarabağ Dirçəliş Fondu tərəfindən yaradılmış “Karabakh.Center” internet resursunun fəaliyyətə başlamasının xüsusi əhəmiyyətlə vurğulamaq istərdim. Bu cür resursların mövcudluğu bir tərəfdən Azərbaycan həqiqətlərinin dünyaya çatdırılması, ötənilki müharibəni doğuran səbəblərin izah etdirilməsi baxmından çox böyük əhəmiyyət kəsb edir.

Digər tərəfdən Ermənistanın işğalçılıq siyasətinin bir xalqın tarixinə, zəngin mədəni irsinə, bir ölkənin təbiətinə, sərvətlərinə nə qədər böyük zərər vurduğunu göstərmək baxımından son dərəcə vacibdir. Çünki müasir dövrdə baş verən proseslərin təhlili göstərir ki, yaşadığımız dünya arzuladığımız qədər ədalətli deyil. Əksinə, ədalətin gücə istinad edən bir reallıqla qarşı-qarşıyayıq”.

Millət vəkilinin sözlərinə görə, bu mənada bütün istiqamətlərdə gücümüzü artırmağa ehtiyac var:

“Güc anlayışı isə müasir dünyada yalnız iqtisadi inkişaf, hərbi potensial, geosiyasi reallıqla, diplomatik çevikliklə məhdudlaşmır. Güclü dövlət olmağın ən vacib şərtlərindən biri – intellektual mübarizə meydanında daha üstün mövqeyə sahib olmaqdır. Məhz bu baxımdan “Karabakh.Center” internet resursunun yaradılması yalnız təbliğat deyil, həm də intellektual mübarizə meydanında üstün olmaq baxımından əhəmiyyətlidir. Çünki resurs işğalın nəticələrini dünyaya daha effektiv, müasir və düşünülmüş strateji yanaşma əsasında çatdırmağa imkan verir”.

Xatırladaq ki, iyunun 30-da Qarabağ Dirçəliş Fondu tərəfindən yaradılmış “Karabakh.Center” internet resursunun təqdimat mərasimi keçirilib.

Tədbirdə Qarabağ Dirçəliş Fondunun Müşahidə Şurasının (MŞ) sədri, Azərbaycan Respublikasının iqtisadiyyat naziri Mikayıl Cabbarov, Şuranın üzvləri - Ekologiya və təbii sərvətlər naziri Muxtar Babayev, Milli Məclisin deputatı Fatma Yıldırım, Fondun İdarə Heyətinin sədri Rəhman Hacıyev, eləcə də tanınmış ictimai və siyasi xadimlər, media nümayəndələri iştirak ediblər.

“Karabakh.Center” internet resursunda əvvəllər işğal altında olan ərazilərdə yerləşən dağıdılmış və ciddi ziyan dəymiş obyektlərin 10,000-dən çox fotoşəkli və video görüntüləri yer alır. Bütün fotoşəkilləri və videoları saytın "Urbisid" bölməsində tapmaq mümkündür.

"Münaqişə" və "Cinayət" bölmələrində Ermənistan-Azərbaycan münaqişəsinin səbəb və nəticələri ilə bağlı peşəkar tədqiqatçı və jurnalistlər tərəfindən hazırlanmış eksklüziv analitik materiallar və tarixi sənədlər oxuculara təqdim olunur.

İnternet resurs həm Cənubi Qafqaz mövzusu ilə maraqlanan geniş auditoriyanın, həm də burada təkcə maraqlı tədqiqat işləri deyil, eləcə də "Kitabxana"da mövcud olan çoxsaylı orijinal mənbələr (o cümlədən arxiv sənədləri, kitablar, hesabatlar və s.) tapacaq peşəkar ekspert icmasının nümayəndələrinin diqqətini cəlb edəcək.

Mövzu ilə əlaqədar oxuyun:

“Karabakh.Center” internet resursunun təqdimat mərasimi keçirilib - FOTO - VİDEO

““Karabakh.Center” Birinci vitse-prezident Mehriban Əliyevanın təşəbbüsü ilə yaradılıb” - Mikayıl Cabbarov

Rəhman Hacıyev: “İşğaldan azad edilmiş Qarabağda dağıntıların miqdarı həddindən artıq böyükdür”

“Bu dağıntılar bizim hansı düşmənlə üz-üzə olduğumuzu göstərir” - Mikayıl Cabbarov

Muxtar Babayev: “Ermənilər işğal dövründə meşə fonduna ciddi ziyan vurub”

Paylaş:
3279

Son xəbərlər

Xudatda narkotik dövriyəsində şübhəli bilinən 2 nəfər saxlanılıbBu gün, 18:04Ahıl və tənha vətəndaşlara qarşı yarım milyon manata yaxın dələduzluq edilibBu gün, 17:41Bakının Xocalı prospekti istiqamətində yol hərəkəti yenidən təşkil edilirBu gün, 17:22Monteneqro futbol millisinin qapıçısı 26 yaşında ölübBu gün, 17:01İsmayıllıda cücələrə su verən qadını elektrik cərəyanı vuraraq öldürübBu gün, 16:39Azərbaycan beynəlxalq axtarışda olan şəxsi Avstriyaya təhvil veribBu gün, 16:16Kənan Quluzadə: “COP29 çərçivəsində turistlər üçün 15 fərqli istiqamət təqdim olunacaq”Bu gün, 16:02Bu il iyunun 15-nə qədər “Şahdağ”dakı hotellərdə qalan turistlərin sayı açıqlandıBu gün, 15:55Kənan Quluzadə: 2024-cü ilin ilk 5 ayında ölkəyə gələn turistlərin sayında 35 faiz artım olubBu gün, 15:33Hakan Fidandan Azərbaycanla bağlı paylaşım edibBu gün, 15:27Azərbaycanda əczaçılıq məhsullarının istehsalı 30% artıbBu gün, 14:55Lənkəranda avtomobil su kanalına aşıb, 3 nəfər xəsarət alıbBu gün, 14:33Azad olunmuş ərazilərdə növbəti dəfə silah-sursat aşkar olunubBu gün, 14:16Tanınmış türk ilahiyyatçı vəfat edibBu gün, 13:59Gəncədə 14 yaşlı qızın nişanlanması ilə bağlı araşdırma başlanılıb - YENİLƏNİBBu gün, 13:45Ağdaşda lotereya biletləri oğurlayan keçmiş məhkum saxlanılıbBu gün, 13:32Kamaləddin Qafarov: “Azərbaycan bu gün qüdrətli bir dövlətə çevrilib”Bu gün, 13:01Sabahın hava proqnozuBu gün, 12:41Azərbaycan neftinin qiyməti 84 dolları keçibBu gün, 12:27Səfir: “Dəmirağacı parkı”ndan danışmaq mənə böyük şərəf hissi verirBu gün, 12:16
Bütün xəbərlər