Mehriban Əliyeva “Tokio-2020”-də Azərbaycana 11-ci qızıl medalı qazandıran Vəli İsrafilovla bağlı status yazıb

“İdmançımız Vəli İsrafilov “Tokio-2020” Yay Paralimpiya Oyunlarında ölkəmizə növbəti, 11-ci qızıl medalı qazandırdı”.

1news.az xəbər verir ki, bu barədə Azərbaycanın birinci-vitse prezidenti Mehriban Əliyevanın rəsmi “Facebook” statusunda yazıb.

“Azərbaycanın paralimpiya rekordunu yeniləmiş ən gənc çempionunu səmimi-qəlbdən təbrik edir, milli yığmamızın bütün üzvlərinə güc, enerji, yeni-yeni nailiyyətlər və qələbələr arzulayıram” – deyə, birinci vitse-prezident qeyd edib.