Azərbaycan Dünya Bankı ilə yeni kredit müqaviləsi imzalayıb | 1news.az | Xəbərlər
İqtisadiyyat

Azərbaycan Dünya Bankı ilə yeni kredit müqaviləsi imzalayıb

Qafar Ağayev16:04 - 27 / 10 / 2021
Azərbaycan Dünya Bankı ilə yeni kredit müqaviləsi imzalayıb

Bu gün Bakıda Azərbaycan hökuməti ilə Dünya Bankı Qrupuna daxil olan Beynəlxalq Yenidənqurma və İnkişaf Bankı (IBRD) arasında "Regional Yollar və İnkişaf Layihəsi" üzrə kredit ayrılmasına dair müqavilə imzalanıb.

1news.az-ın Maliyyə Nazirliyinə istinadən verdiyi məlumata görə, 65 mln. ABŞ dolları məbləğində olan kredit sazişini Azərbaycan hökuməti adından maliyyə naziri Samir Şərifov və Dünya Bankı tərəfindən Azərbaycan üzrə ölkə meneceri Sara Maykl imzalayıb.

Cəlb olunan kredit Ələt-Astara-İran İslam Respublikası ilə dövlət sərhədi magistral avtomobil yoluna alternativ olan mövcud Yenikənd-Biləsuvar hissəsinin ikinci texniki dərəcəyə uyğun olaraq yenidən tikilməsi, yolun səmərəliliyi, təhlükəsizliyi, yeni yol xidmətlərinin keyfiyyətinin artırılması, yol ətrafında logistika və bazar infrastrukturunu idarə etmək üçün modelin yaradılması və digər texniki yardımların təmin edilməsi işlərinə yönəldiləcək. Layihənin həyata keçirilməsi ilə ölkənin cənubundakı Salyan-Biləsuvar yolu boyunca təhlükəsiz, səmərəli və iqlimə davamlı nəqliyyat bağlantısı təmin ediləcək və bazara çıxışı yaxşılaşdırılacaq. Bu marşrut boyunca yaşayan insanlar təkmilləşdirilmiş yol infrastrukturundan, iqtisadi imkanlardan və əsas xidmət obyektlərindən asanlıqla istifadə etmək imkanı əldə edəcəklər.

İmzalanma mərasimində Dünya Bankı Qrupunun Azərbaycanda həyata keçirilən inkişaf proqramlarına verdiyi davamlı dəstək yüksək qiymətləndirilib. Samir Şərifov Azərbaycan ilə Dünya Bankının uzunmüddətli və strateji tərəfdaşlığından məmnunluğunu ifadə edərək hökumətin həyata keçirdiyi bir sıra mühüm layihələrə bankın göstərdiyi maliyyə dəstəyini qeyd edib. Maliyyə naziri bildirib ki, Dünya Bankı ilə müştərək maliyyələşdiriləcək layihənin məqsədi Salyan-Biləsuvar yolu boyu təhlükəsiz, səmərəli, iqlim dəyişkənliyinə qarşı dayanıqlı hərəkəti təmin etməkdir.

Etibarlı tərəfdaşlar kimi Dünya Bankı ilə Azərbaycan arasında əməkdaşlığın bundan sonra da uğurla davam edəcəyini vurğulayan ölkə meneceri Sara Maykl həyata keçiriləcək yeni layihənin də Azərbaycanın milli inkişaf prioritetlərinə çatmasına kömək edəcəyinə əminliyini ifadə edib.

Azərbaycan 1992-ci ildən Dünya Bankı ilə əməkdaşlıq edir. Bu dövr ərzində Bank Azərbaycanın reallaşdırdığı layihələrə ümumilikdə 4 mlrd. dollar vəsait ayırıb.

Paylaş:
64

Son xəbərlər

Muğanbankda struktur dəyişikliyiBu gün, 18:05BRAVO iki dövlət qurumundan təşəkkürnamə aldı - FOTOBu gün, 18:00Neftçala rayonunun ən uzun ömürlü sakini rəhmətə gedibBu gün, 17:57Sərnişin avtobusun ödəniş terminalını sındırdı - VİDEOBu gün, 17:48Azərbaycanın XİN başçısı ATƏT-in baş katibi ilə görüşübBu gün, 17:35Xəzərdə bədəninin bir hissəsi olmayan kişi meyiti tapıldıBu gün, 17:31Bu ölkədə müdafiə nazirinin oğlu qəzada öldüBu gün, 17:24Bu günə qədər “YAŞAT” Fonduna daxil olan vəsait açıqlandıBu gün, 17:17Müharibədən sonrakı faciələrin 53 faizi azad edilən ərazilərə qanunsuz səfərlər nəticəsində baş veribBu gün, 17:10ATƏT nümayəndəsinə Azərbaycanda media azadlığı istiqamətində görülən işlər barədə məlumat verilibBu gün, 17:07Ötən ay xaricdə təhsil alan neçə nəfərin diplomu tanınmayıb? - Say AÇIQLANDIBu gün, 16:45Evi tərk edən koronavirus xəstəsi küçədə saxlanıldıBu gün, 16:41Bakıda NATO-nun təlim kursu keçirilibBu gün, 16:32Bakının məşhur gecə klubunda qızın damarlarını doğraması hadisəsinin ANBAAN VİDEOsuBu gün, 16:19Ceyhun Bayramov Polşa xarici işlər naziri ilə görüşübBu gün, 16:15Ağdamda xüsusi təhsil kvartalının yaradılması nəzərdə tutulurBu gün, 16:12Nazir: “Kəlbəcərin qızıl ehtiyatları ilə bağlı geoloji-axtarış işlərinə başlanılıb”Bu gün, 16:04Qarabağ və Şərqi Zəngəzurda heyvan xəstəliklərindən azad zona yaradılırBu gün, 16:02Nazir: “Azərbaycan-Türkiyə birgə universitetinin yaradılması işlərinə başlamışıq"Bu gün, 15:57Yol polisi əlillərlə bağlı sürücülərə müraciət etdiBu gün, 15:32
Bütün xəbərlər

Next TV