Ermənistanla Azərbaycan arasında münasibətlər hansı halda normallaşacaq? Ceyhun Bayramovdan CAVAB
“Azərbaycan qonşu ölkələr üçün mühüm rol oynayır və qonşu ölkələr üçün böyük əhəmiyyətə malikdir”.
1news.az xəbər verir ki, bunu xarici işlər naziri Ceyhun Bayramov Qlobal Bakı Forumu çərçivəsində “Post-COVID-19 dövründə qlobal çağırışlar” mövzusunda keçirilən panel müzakirələri zamanı deyib.
Nazir deyib ki, Azərbaycan Türkiyə və Gürcüstanla birgə iri infrastruktur layhələrinə imza atıb.
"Bu layihələrin nəticəsində pandemiya dövründə daşımaların sayı azalmadı, əksinə artdı. İkinci Qarabağ müharibəsi regionda əməkdaşlığın inkişafına yeni imkanlar yaradıb. Düşünürəm ki, beynəlxalq səviyyədə tanınmış sərhədlərin müəyyənləşməsi ilə Ermənistanla Azərbaycan arasında münasibətlər normalaşalacaq. Bu, tək Azərbaycanla Ermənistan deyil, bütün region ölkələri faydalı olacaq”.
