Ceyhun Bayramov Estoniya xarici işlər naziri ilə görüşüb | 1news.az | Xəbərlər
Siyasət

Ceyhun Bayramov Estoniya xarici işlər naziri ilə görüşüb

S.Xankişiyeva17:24 - 02 / 12 / 2021
Ceyhun Bayramov Estoniya xarici işlər naziri ilə görüşüb

2 dekabr 2021-ci il tarixində Azərbaycan Respublikası xarici işlər naziri Ceyhun Bayramov ATƏT-in Nazirlər Şurasının Stokholmda keçirilən 28-ci iclasında iştirakı çərçivəsində Estoniya Respublikasının xarici işlər naziri Eva-Mariya Liimets ilə görüşüb.

Xarici İşlər Nazirliyindən 1news.az-a verilən məlumata görə, görüşdə nazir Ceyhun Bayramov üçtərəfli bəyanatların icrası ilə bağlı məsələlər, o cümlədən regionda nəqliyyat kommunikasiyaların açılması ilə bağlı Azərbaycan tərəfindən görülən tədbirlər barədə qarşı tərəfə məlumat verib. O, beynəlxalq hüququn prinsiplərinə, xüsusilə dövlətlərin suverenliyi, ərazi bütövlüyü və sərhədlərin toxunulmazlığına hörmət əsasında Ermənistanla münasibətlərin normallaşmasının mümkün olduğunu vurğulayıb.

Görüşdə Azərbaycan ilə Estoniya arasında ikitərəfli əsasda və bir sıra beynəlxalq platformalarda, habelə Avropa İttifaqı çərçivəsində səmərəli əməkdaşlığın olduğu qeyd edilib. Tərəflər, ölkələrimiz arasında siyasi dialoqun davamlılığı, iqtisadi-ticarət sahələrində mövcud potensiala uyğun olaraq əlaqələrin inkişafının vacibliyi, o cümlədən ölkələrimiz arasında iqtisadi, yaşıl enerji, yüksək texnologiyalar, təhsil, humanitar və digər sahələrdə ikitərəfli münasibətlərin daha da genişləndirilməsinə dair fikir mübadiləsi aparıblar.

Görüşdə, o cümlədən Azərbaycan-Avropa İttifaqı əməkdaşlığı barədə fikir mübadiləsi aparılıb. Tərəflər, bu xüsusda Şərq Tərəfdaşlığı Sammitinə hazırlıq məsələlərini müzakirə ediblər.

Qarşı tərəf Şərq Tərəfdaşlığı çərçivəsində əməkdaşlığın, daha da genişləndirilməsi və dərinləşdirilməsinin böyük əhəmiyyətini vurğulayıb.

Görüşdə tərəflər, habelə qarşılıqlı maraq doğuran digər məsələlər ətrafında fikir mübadiləsi aparıblar.

Paylaş:
190

Son xəbərlər

İlham Əliyev Yeni Zelandiyanın Azərbaycanda yeni təyin olunan səfirinin etimadnaməsini qəbul edib - FOTOBu gün, 12:00AQTA Bağçalarda aparılan monitorinqlərin nəticələri açıqladıBu gün, 11:47İlham Əliyev Efiopiyanın Azərbaycanda yeni təyin olunan səfirinin etimadnaməsini qəbul edib - FOTOBu gün, 11:43İrandan Azərbaycana 19 kiloqram narkotik keçirən şəxs saxlanılıbBu gün, 11:37Azərbaycan Prezidenti Çadın yeni təyin olunan səfirinin etimadnaməsini qəbul edibBu gün, 11:31Artilleriyaçılarımız beynəlxalq müsabiqədə uğurla iştirak edirlərBu gün, 11:28Ərdoğan Ukraynaya gedirBu gün, 11:20İlham Əliyev Cənubi Afrika Respublikasının yeni səfirinin etimadnaməsini qəbul edibBu gün, 11:19Prezident İlham Əliyev Monqolustanın Azərbaycanda yeni təyin olunan səfirinin etimadnaməsini qəbul edibBu gün, 11:17Manatın bu günə olan məzənnəsi açıqlanıbBu gün, 11:00Qanunsuz bilet satan 22 nəfər barədə tədbir görülüb - DİNBu gün, 10:53AQTA qanunsuz fəaliyyət göstərən heyvan kəsimi məntəqələrinin siyahısını açıqlayıbBu gün, 10:499 illik bazadan kolleclərə ixtisas seçimi başa çatıbBu gün, 10:24BDU-da prorektorların say həddi müəyyənləşdirilibBu gün, 10:19Azərbaycan nefti cüzi bahalaşıbBu gün, 10:14Müəllimlərin işə qəbulu müsabiqəsinin müsahibə mərhələsinə start verilirBu gün, 09:58Əyləncə, istirahət və inkişaf! - Azərbaycanın ən böyük yay düşərgəsi uğurla başa çatıb!Bu gün, 09:57Sumqayıtda 36 yaşlı kişi qohumu tərəfindən öldürüldüBu gün, 09:26Bakıda 62 avtobusun hərəkəti gecikirBu gün, 09:24MEDİA-nın şöbə müdiri: “Dəstək göstərilən media subyektlərinin bəzilərinə xəbərdarlıq edilib, bəzilərinə isə...” - MüsahibəBu gün, 09:17
Bütün xəbərlər

Next TV