Britaniya məhkəməsi Assanjın ABŞ-a ekstradisiyasına icazə verib

İngiltərə və Uelsin Apellyasiya Məhkəməsi “WikiLeaks”in yaradıcısı, jurnalist Culian Assanjın ABŞ-a ekstradisiyasına icazə verib.

1news.az bildirir ki, APA-nın Britaniya bürosunun verdiyi xəbərə görə, bu barədə Məhkəmənin qərarında bildirilib.

Qeyd edək ki, bu ilin yanvar ayında London Məhkəməsi WikiLeaks-in təsisçisinin ABŞ-a ekstradisiyasına icazə verməmişdi. Buna səbəb isə ABŞ həbsxanasındakı saxlanma şəraitinin Assanjın intiharına səbəb ola biləcəyi ehtimalı idi. ABŞ isə bu qərardan Londondakı Məhkəməyə apellyasiya şikayəti vermişdi.

1news.az