ABŞ-da helikopter qəzaya uğrayıb, ölən və yaralılar var
ABŞ-ın Texas ştatında helikopter qəzaya uğrayıb.
1news.az xəbər verir ki, qəza nəticəsində bir nəfər həyatını itirib, daha 3 nəfər xəsarətlərlə xəstəxanaya yerləşdirilib.
Texas ştatının İctimai Təhlükəsizlik Departamentinin məlumatına görə, insident yerli vaxtla saat 11:45-də baş verib. Bell 206 helikopteri Livinqstonun cənub-şərqindəki meşədə qəzaya uğrayıb.
Həlak olan 54 yaşlı sərnişin olub, pilot və daha iki nəfər xəstəxanaya yerləşdirilib.
Qəzanın səbəbləri barədə məlumat verilməyib, hazırda bunun üçün araşdırma aparılır.
1news.az
494
