Vətən Müharibəsi iştirakçısı sensasiyalı 3D model BMW-dən və polis maşınlarına olan həvəsindən danışıb - FOTO - VİDEO | 1news.az | Xəbərlər
Müsahibə

Vətən Müharibəsi iştirakçısı sensasiyalı 3D model BMW-dən və polis maşınlarına olan həvəsindən danışıb - FOTO - VİDEO

S.Xankişiyeva12:01 - 09 / 02 / 2022
Vətən Müharibəsi iştirakçısı sensasiyalı 3D model BMW-dən və polis maşınlarına olan həvəsindən danışıb - FOTO - VİDEO

Bir neçə gündür ki, sosial şəbəkələrdə yayılan 3D model ikiqapılı BMW markalı polis avtomobilinin videosu geniş müzakirələrə səbəb olub.

Avtomobil o qədər real görünür ki, hətta bir çoxları bunun proqram təminatının köməyi ilə hazırlanmış 3D model olması ilə bağlı təsviri oxumadan belə qərara gəliblər ki, yol polislərinə yeni avtomobillər verilib.

Animasiyanın müəllifi 3D-texnologiyası üzrə rəssam, Vətən Müharibəsi iştirakçısı Ayxan Azaddır.

Ayxan 1news.az-a verdiyi müsahibədə qeyd edib ki, 3D sənətinə və avtomobillərə maraq uşaqlıqdan yaranıb. Beləliklə o, bu iki həvəsini birləşdirərək gələcəyini bu sahə ilə bağlamaq qərarına gəlir.

“Müharibədən qayıtdıqdan sonra Azərbaycan televiziyalarının birində qrafik dizayner kimi işləməyə başladım. Asudə vaxtlarımda buna bənzər videolar hazırlayıb sosial şəbəkələrdə paylaşıram”, – Ayxan deyir.

Onun sözlərinə görə, uşaqlıqdan kompüter oyunlarında polis maşınlarını sürməyi çox sevirmiş. Bu səbəbdən onun məzmunlarının çoxu məhz polis maşınlarıdır.

“3D sənətini öyrəndikdən sonra gələcək animasiyalar üçün konsepsiyalar haqqında düşünməyə başladım. Təxəyyülümdə hansı markanın polis avtomobilləri üçün daha gözəl görünəcəyi ilə bağlı fikirlər yaranmağa başladı. Onları 3D məkanında yaradaraq, işimin nəticələrini abunəçilərimlə paylaşmağa başladım. Tez bir zamanda videolarım sosial şəbəkələrdə çox populyarlaşdı. Açığı, belə populyarlıq gözləmirdim”, – A.Azad deyir.

Rəssam üzərində işlədiyi hər 3D animasiyanın real görünməsi üçün maksimum səy göstərir. Təbii ki, belə realizmə nail olmaq uzun zaman və zəhmət tələb edir.

“Bu cür animasiyanı real göstərən bir neçə amil var. Burada işıq, kölgə, rəng, kamera işi mühüm rol oynayır. Bütün bunlara nail olsanız, o zaman yaratdığınız animasiyanı realdan ayırmaq çətinləşir. Əks halda, səhnə nə qədər yaxşı işlənsə də, istənilən real effekti verməyəcək”, - Ayxan deyir.

Həmsöhbətimizin sözlərinə görə, belə bir videonun ərsəyə gəlməsi ay yarıma yaxın vaxt aparır. Bu, həmçinin rendering və sonrakı emal mərhələlərini əhatə edir.

“Artıq iki ilə yaxındır ki, sosial şəbəkələrdə videolarımı paylaşıram. Son vaxtlar işimin keyfiyyəti artdıqca videolarım daha da populyarlaşır.

Çox vaxt şərhlərdə hansı proqramlardan istifadə etdiyimi soruşurlar. Əsasən “Blender” proqramından istifadə edirəm. Sonrakı emal mərhələsində isə mənə “Adobe After Effects” proqramı lazım olur”, - A.Azad deyir.

Rəssam avtomobillərlə yanaşı, müxtəlif məkanları da modelləşdirməyi xoşlayır. Məsələn, qarajlar, magistral yollar və s.. Yəni bu və ya digər şəkildə avtomobillərə aid olan yerləri.

Gələcək planlarından danışan Ayxan Azərbaycanda kino sənayesinin inkişafına töhfə vermək istədiyini qeyd edib:

“Maşınlar haqqında film çəkmək istəyirəm. Hətta bu filmin ssenarisini də yazırıq. Bu layihənin reallaşması mənim ən böyük arzularımdan biridir”.

Qeyd edək ki, Ayxan Azad Vətən Müharibəsinin başladığı elə ilk günlərdən könüllü olaraq döyüşlərə qoşulub. Doğma Qarabağımızın düşməndən azad olunması istiqamətində gedən döyüşlərdə fəal iştirak edib. Cəbrayıl, Zəngilan və Qubadlının azadlığı uğrunda döyüşüb. Azərbaycan Prezidenti, Silahlı Qüvvələrin Ali Baş Komandanı İlham Əliyev tərəfindən “Qubadlının azad olunmasına görə” medalı ilə təltif olunub.

Paylaş:
3416

Sizin üçün xəbərlər

Son xəbərlər

Havada toz müşahidə olunurBu gün, 15:418 Noyabr prospektində əsaslı təmir işləri aparılır - FOTOBu gün, 15:32Bu gündən 181 avtobus yeni nəqliyyat mübadilə mərkəzindən hərəkət edəcəkBu gün, 15:21Azərbaycanın səfiri etimadnaməsini Ekvador Prezidentinə təqdim edibBu gün, 15:10Sahil Babayev Neftçalada vətəndaşları qəbul edibBu gün, 14:54Laçında uşaqların kompleks tibbi müayinəsi aparılıb - FOTOBu gün, 14:43Salyan sakinindən 2 kiloqramdan artıq heroin götürülübBu gün, 14:22Fövqəladə Hallar Nazirliyi tərəfindən daha bir qanunsuz tikili sökülübBu gün, 13:59Deputat: “Dünyada pensiya yaşının azaldılması yox, artırılması müzakirə olunur”Bu gün, 13:45Növbəti köç karvanı Füzuliyə çatıb, mənzillərin açarları təqdim edilib - YENİLƏNİB 1Bu gün, 13:41Bu şəxslərin təhsil haqqını dövlət ödəyəcəkBu gün, 13:34“Əlavə kassasiya qaydasında verilən şikayətlər əksər hallarda təmin olunmur” - Vəkillərdən ŞƏRHBu gün, 13:20Deputatdan TƏKLİF: “Təcili tibbi yardım helikopterləri alınsın”Bu gün, 12:54Azərbaycan cəmiyyəti işğalda olan kəndlərin azad ediləcəyinə inanır? - SORĞUBu gün, 12:41Şənbə günü hava necə olacaq?Bu gün, 12:38Ramazan bayramı günlərində Bakı-Qəbələ qatarları hər gün hərəkətdə olacaqBu gün, 12:28Qızıl və gümüşün bahalaşması davam edirBu gün, 12:21İctimai-iaşə obyektlərinin sahiblərinə çağırışBu gün, 12:15“N” hərbi hissəsində komanda-qərargah təlimi keçirilib - FOTOBu gün, 12:14Siyavuş Novruzov: “Bəzi şəxslər Azərbaycanda da terrorun olmasını istəyirdi”Bu gün, 12:02
Bütün xəbərlər