Deputat İrəvandan azərbaycanlıları təbrik etdi - FOTO

Ermənistanın paytaxtı İrəvanda AVRONEST Parlament Assambleyasının komitə iclası başlayıb.

1news.az xəbər verir ki, bu barədə iclasda iştirak edən Milli Məclisin deputatı Soltan Məmmədov öz sosial şəbəkə hesabında paylaşım edib.

Fotolar paylaşan deputat qeyd edib: “İrəvandan dünya azərbaycanlılarına salamlar! Su çərşənbəniz mübarək olsun!!!”.

Xatırladaq ki,, deputatlar Tahir Mirkişili və Soltan Məmmədov AVRONEST Parlament Assambleyasının komitə iclasında iştirak etmək üçün İrəvanda səfərdədilər. Onlar iclaslarda müzakirə olunacaq məsələlərdə Azərbaycan tərəfinin mövqeyini bildirəcəklər.