Ceyhun Bayramov: “Azərbaycan Türkiyənin Ermənistanla münasibətlərinin normallaşmasını dəstəkləyir”
"Uzun illər ərzində Türkiyə Respublikası Ermənistanla sərhədləri bağlamışdı" .
1news.az xəbər verir ki, bunu Azərbaycan Respublikasının Xarici işlər naziri Ceyhun Bayramov Türkiyə XİN rəhbəri Mövlud Çavuşoğlu arasında keçirilən birgə brifinqdə deyib.
"Türkiyə və Ermənistan arasında heç bir diplomatik münasibət yox idi.
44 günlük Vətən müharibəsi bölgədə yeni reallıqlar yaradıb. Azərbaycan tərəfi Ermənistana sülhlə bağlı öz mesajlarını çatdııb. Artıq normallaşma barədə danışmaq olar. Azərbaycan Respublikası Türkiyənin Ermənistanla münasibətlərinin normallaşmasını dəstəkləyir. Bu Ermənistan üçün bir fürsətdir.
Eyni zamanda Azərbaycan və Türkiyənin mövqeyi beynəlxalq hüquqa əsaslanır. Azərbaycan və Türkiyənin arasına tam koordinasiya mövcuddur. Bununla bağlı daimi müzakirələr aparılır. Azərbaycanla Türkiyə arasında müttəfiqlik başqa dövlətlərə qarşı yönəlməyib. Ermənistan anlamalıdır, Azərbaycan və Türkiyəyə üçün nə yaxşıdırsa, Ermənistan üçün də yaxşı olacaq.Məqsədimiz yaxşı qonşuluq münasibəti yaratmaqdır".
